1 Tesalonians 5:6 - Holy Bible Nigerian Pidgin English

⁶ so make wi nor dey sleep as odas dey do, but make wi shine awa eye well-well.

1 Tesalonians 5:6 ပူးပေါင်းရင်းမြစ်များ

Proverbs 19:15

If yu like, dey lazy and dey sleep anyhow, but make yu know sey honga go soon kom kill yu.

Isaya 56:10

E sey, “All di leaders wey suppose warn my pipol, dey blind! Dem nor know anytin. Dem bi like dog wey nor dey bark; dem just liedan dey dream. Make una si as dem like sleep well-well!

Jonah 1:6

Wen di kaptain for di ship si am, e kon wake and ask am, “How kom yu fit dey sleep for dis kind time? Make yu get up kon pray to yor God make E kom help us. May bi E go sorry for us kon save awa life.”

Matiu 13:25

But for nite wen evribody dey sleep, di enemy kon go plant grass join dem.

Matiu 24:42

“So, make una shine una eye, bikos una nor know di day wen Christ go kom.

Matiu 25:13

“So, make una dey ready, bikos una nor know di day or time wen Christ go kom.”

Matiu 25:5

E kon happen sey di man wey won marry, nor kwik kom, so all di virgins kon sleep.

Matiu 26:38

Den e tell dem, “My heart heavy and e bi like sey I won die. Make una stay here and make una nor sleep.”

Mark 13:37

Wetin I dey tell una so, I dey tell evribody. So make una shine una eye!”

Luke 12:37

Di savant wey en oga go kom back kon meet am dey work, make e happy well-well bikos di oga go prepare ensef make e for serve di savant food for tabol.

Luke 12:39

But make una know sey, if di owner of di house know wen tif dey kom, e nor go let di tif break enter en house.

Luke 21:36

But make una dey shine una eye evritime, dey pray make God give una pawa take pass all dis test wey go happen, so dat una go fit stand for Man Pikin front.”

Luke 22:46

So Jesus tell dem, “Why una dey sleep? Make una get up pray, so dat una nor go fall enter temptashon!”

Acts 20:31

So make una shine una eye and remember sey, for day and nite for three years, I nor stop to dey kry, as I dey warn una.

1 Korintians 15:34

Make una get sense and stop to dey kommit sin. I still dey sopraiz sey some pipol among una nor know God.

1 Korintians 16:13

Make una shine una eye and dey strong for una faith and stand with boldness.

Efesians 2:3

All of us dey live dis kind life before. Wi dey do difren tins wey awa body and mind wont. Dat time, wi bi shidren wey God won ponish like oda sinnas.

Efesians 5:14

Bikos na lite dey make evritin shine kom out and na dis make dem rite sey: “Wake-up; yu wey dey sleep! Make yu raiz from grave and Christ go shine for yor life!”

Efesians 6:18

With difren prayers, make una dey ask God to help una. Make una always dey pray with di Spirit and dey shine una eyes well-well. Make una nor give up, but make una kontinue to pray for all God pipol.

Filippians 4:5

Make evribody know sey una nor like wahala, bikos Jesus go soon kom.

Kolossians 4:2

Make una dey sirious for una prayer. Make una dey shine una eye as una dey tank God wen una dey pray.

1 Tesalonians 4:13

Awa brodas and sistas, wi wont make una know di trut about doz pipol wey don die, so dat una nor go dey sad like pipol wey nor get hope.

1 Tesalonians 5:10

wey die for us, so dat weda wi dey alive or wi don die wen e kom, wi go stay togeda with am for heaven.

1 Tesalonians 5:8

But since wi bilong to lite, make wi dey kwayet, use faith and love take protet awa chest, den wear di hope wey wi get like priest kap for head.

1 Timoti 2:15

But God go save di woman wen e won born, so-far e kontinue to get faith, love, holiness and dey kontrol ensef.

1 Timoti 2:9

I wont make wimen dey dress well with sef kontrol. Nor make yeye hair style; nor wear too mush gold or stones and klot wey dear well-well.

1 Timoti 3:11

Like dis too, dia wifes must get good karata, nor bi wifes wey dey lie or gossip, but dem must fit dey kontrol diasef and dey honest for evritin.

1 Timoti 3:2

Leader for church must bi pesin wey nor get fault; wey get only one wife; fit kontrol ensef; get sense and respet; dey welkom pipol and e bi good tisha.

2 Timoti 4:5

But make yu kontrol yorsef for evritin. Nor fear to sofa for Christ. Dey do God work and dey tell odas about di Good News.

Titus 2:12

Di grace dey tish us sey, make wi nor live like pipol wey nor know God or dey bihave anyhow. So make wi dey kontrol awasef; dey do good and follow God for dis time wey wi dey so,

Titus 2:6

Make yu tish yong men to dey live dia life with betta sense

1 Pita 1:13

So, make una always dey ready for akshon. Make una shine una eye and put hope for di grace wey Jesus Christ go bring.

1 Pita 4:7

Di time wen evritin go end don near. So make una dey kontrol unasef and shine una eye wen una dey pray.

1 Pita 5:8

Make una shine una eye well-well, bikos devil wey bi una enemy, bi like hongry lion wey dey shaut and dey find who e go chop.

Revelashon 16:15

Look! I go kom like tif! God don bless di pesin wey go shine en eye and wear en klot, so dat e nor go naked waka.

Revelashon 3:2

So make yu raiz-up kon give pawa to di remainin tins wey don nearly die, bikos yor work nor dey good for God eye.