1 Tesalonians 5:3 - Holy Bible Nigerian Pidgin English

³ Wen pipol dey sey, “Evritin dey okay and peaceful,” na dat time wahala wey go skata evriwhere go kom and e go bi like di pain wey woman dey face wen e won born and nobody go eskape from am.

1 Tesalonians 5:3 ပူးပေါင်းရင်းမြစ်များ

Job 15:21

Vois wey dey make pesin fear nor go leave dia ear and where dem feel sey dem dey save, tif go kom meet dem for der.

Job 24:23

God fit let dem stay for peace, but en eye nor go komot for dia body at-all.

Psalms 35:8

So make wahala kom meet dem at wons! Make di trap wey dem set for mi, katch dem! Make dem fall enter di pit wey dem dig for mi.

Psalms 48:6

Fear katch dem well-well and dem kon dey kry with pain like woman wey won born.

Psalms 55:15

Make deat distroy my enemies; make di grave swallow dem alive, bikos na wikedness dem dey stay with.

Psalms 69:22

So, make dia food tabol bi trap for dem! Make e bi trap for all doz dia friends!

Proverbs 29:1

If yu nor dey gri take korreshon, one day yu go fall and yu nor go fit stand again.

Isaya 20:6

For dat time, pipol wey dey stay near di river go sey, ‘Si wetin don happen to di place where wi bin put awa hope; so na where wi go run go make dem help us naw? Na where wi dey espect sey, wi go dey save from Assyria king? How wi go fit take eskape naw?’ ”

Isaya 29:5

Jerusalem, all di strenjas wey attack yu and di sojas wey make yu dey fear, na wons God go blow dem komot like ordinary dust.

Isaya 30:13

So na dis sin go distroy una. Una go bi like high old wall wey don krack and wey go soon fall and na wons e go fall.

Isaya 47:11

So, wahala go kom meet yu and yor majik nor go fit help yu. Wahala wey yu nor espect, go happen to yu at wons! Even trobol wey yu nor tink of, go rush kom meet yu like wota.

Isaya 47:9

But dis tins go happen to yu at wons; yor shidren and husband go die for di same day and yor majik nor go fit help yu.

Isaya 56:12

Dem go sey, ‘Make wi buy some wine and drink as wi like! Tumoro go betta pass today and wi go get evritin wey wi wont!’ ”

Jeremaya 13:21

Wetin una go tok wen di pipol wey una bin tink sey bi una friends katch, distroy and kon dey rule una? E go pain una like woman wey won born?

Jeremaya 14:19

Den I sey, “My God, Yu don forget Judah pipol? Na so Yu hate Zion town? Wetin make Yu dey do us like dis, sotey wi nor dey okay again? Wi dey hope for peace, but na wahala wi dey si. Wi dey bilive sey wi go well, instead na trobol dey follow us.

Jeremaya 22:23

Una fit tink sey una dey save like bird wey dey rest for Lebanon cedar. But wen di wahala kom, una go kry with pain like woman wey won born.

Jeremaya 4:31

I hear kry, like woman wey won born; shaut like woman wey dey born en first pikin. Jerusalem pipol dey find as dem go take breath and naw, dem dey kry sey, “Make una help us! Bikos na die wi dey so o-o!”

Jeremaya 6:14

Dem dey trit my pipol wound like sey na ordinary tin. Dem sey, ‘Evritin go dey okay!’ Wen dem know sey nor bi so e bi.

Jeremaya 6:24

I kry kon sey, “Wi don hear di news and fear dey katch us. So naw, wi dey pass thru pain like woman wey won born.

Jeremaya 8:11

Dem dey trit my pipol wound like sey na ordinary tin. Dem sey, ‘Evritin go dey okay!’ Even wen dem know sey nor bi so e go bi.

Ezekiel 13:10

“Di profets deceive my pipol wen dem tell dem sey evritin dey okay. But evritin nor dey okay at-all! My pipol don build wall with stones wey nor strong and di profets kon paint am fine for dem.

Hosea 13:13

Israel get shance to live, but dem too dey foolish to si am; just like pikin wey dem just one born, wey nor gri kom out from en mama belle.

Nahum 1:10

En enemies bi like dry shuku-shuku for bush. Yes! Dem bi like pesin wey don drink well-well. True-true, fire go burn dem like dry grass.

Matiu 23:33

“Una bi snake! Wiked snake shidren! How una go take eskape hell?

John 16:21

Wen woman won born pikin, e dey sofa strong pain, bikos en time to born don rish, but wen e don born, e go happy and e nor go remember di pain again, bikos e go si sey e don born pikin.

Acts 13:41

“ ‘Una wey dey laf; make una hear, una go sopraiz till una die! Bikos I go do sometin for una time, sometin wey una nor go bilive even if dem tell una.’ ”

Deutronomi 29:19

“Make una make sure sey nobody among una wey dey hear dis tins today, bilive sey evritin dey okay with am, even doh e nor dey hear pipol word. Dis kind tin go skata all of una, weda una dey good or bad.

2 Tesalonians 1:9

God go distroy dem and dia ponishment nor go ever end. Wen Christ go kom receive glory from di pipol wey e choose,

Hibru 12:23

di place where all di first-born gada and dis na di pipol wey God rite dia name for heaven. Una don kom meet God wey go judge evribody and na-im dey make pipol pafet.

Hibru 2:3

Wetin make us sey wi go dey free if wi nor listin to dis korrect salvashon message? Na God first tok am and pipol wey hear am kon show us sey na trut.

2 Pita 2:4

God nor sorry for di angels wey sin, E trow dem for hell and tie dem for darkness until di day wen E go judge di world.

Judges 8:11

Gideon pass di road wey dey di desert korna for di east side for Nobah and Jogbehah kon go attack di sojas for der.