1 Tesalonians 5:24 - Holy Bible Nigerian Pidgin English

²⁴ Di Pesin wey koll una to do en work dey faithful.

1 Tesalonians 5:24 ပူးပေါင်းရင်းမြစ်များ

2 Kings 19:31

For Mount Zion and Jerusalem, pipol go dey save, bikos God sey dis tins must happen.’

Psalms 100:5

Bikos God dey good, en love wey nor dey fail dey forever and E dey good from one generashon go rish anoda.

Psalms 138:2

I bow kon woship Yu for yor holy temple. I dey praiz yor name, bikos of yor faithfulnes and love wey nor dey fail; bikos Yu don make yor promise and e high pass di sky.

Psalms 146:6

Na God make heaven and eart, di sea and evritin wey dey inside dem. E dey keep all di promise wey E make.

Psalms 36:5

My God, yor love wey nor dey fail, big and wide like di heavens; just as yor goodness high pass di kloud for sky.

Psalms 40:10

All di good tins wey Yu do, I nor keep dem for my heart; but I don tok about as Yu dey faithful and yor pawa wey dey save pipol.

Psalms 86:15

But Yu, my Oga, Yu bi God wey dey sorry and pity for pipol; Yu nor dey kwik vex and Yu dey show yor faithfulnes and great love wey nor dey fail.

Psalms 89:2

Yor love wey nor dey fail go last forever. Yor goodness dey forever like di heavens.

Psalms 92:2

For morning, e dey good to tok about yor love wey nor dey fail and for evening, wi go sing of yor faithfulnes,

Isaya 25:1

Oga God, na Yu bi my God! I go praiz yor name kon show as Yu good rish, bikos Yu don do wonderful tins and na as Yu tok before-before, na so Yu do am.

Isaya 37:32

Pipol go survive for Jerusalem and Mount Zion, bikos God don sey dis tins must happen.

Isaya 9:7

En royal pawa go kontinue to grow. En kingdom go get peace forever. E go rule well like King David kon do betta tins with en pawa; e nor go opress pipol and E go rule from naw go rish wen di world go end. God Almighty go do all dis tins.

Lamentashons 3:23

Wi dey always trust Yu bikos na evriday Yu dey show us yor goodness.

Mikah 7:20

Just as Yu promise awa grand-grand papa, Abraham and Jakob, na so too Yu go show us yor faithfulnes and love wey nor dey fail.

Nombas 23:19

God nor bi like man wey dey lie and E nor bi human being wey dey shange en mind. Anytin wey E promise, E dey do am; Anytin wey E tok, na so e go bi.

Matiu 24:35

Heaven and eart go vanish, but my word go still dey.

John 1:17

Na thru Moses God give us di law, but God give us favor and trut, thru Jesus Christ.

John 3:33

But pesin wey bilive wetin e tok about God, bilive sey wetin God tok, na true.

Romans 8:30

Doz wey God don asept, na dem E koll; doz wey E koll, na dem E make raitious and E kon share en glory with dem.

Romans 9:24

Weda wi bi Jew or Gentile pipol, E don choose us.

1 Korintians 1:9

God dey faithful, bikos na-im koll una to waka with en pikin, Jesus Christ wey bi awa Oga God.

1 Korintians 10:13

E nor get anytin wey dey happen to una naw, wey neva happen to odas before, but God dey keep en promise and E nor go allow una pass thru wetin una nor go fit bear.

Galatians 1:15

But God koll mi with en grace kon separate mi even before dem born mi.

Deutronomi 7:9

So make una undastand sey, di Oga una God na en really bi God. Na en bi di God wey dey keep en kovenant for tazon generashon kon dey show en love wey nor dey end to doz wey love and dey obey en kommand.

1 Tesalonians 2:12

Wi dey advise, beg and tok to una sey, una must live una life as God wont, bikos na-im koll una enter en own kingdom and glory.

2 Tesalonians 2:14

E koll una enter en salvashon thru awa message, so dat una go fit get share for Christ glory.

2 Tesalonians 3:3

But Christ dey keep en promise and E go make una strong.

2 Timoti 1:9

Bikos God save and koll us to live holy life. E do like dis, nor bi sey wi deserve am bikos of wetin wi do, but na so E plan am even before di world start, so dat wey go know en grace thru Jesus Christ.

2 Timoti 2:13

Weda wi get faith for am or not, Christ go still bi who e bi and e nor go shange.

Titus 1:2

Di trut dey give dem di mind sey dem get life wey nor dey end and na God wey nor fit lie promise dem dis life even before E kreate di world.

1 Pita 5:10

Afta una don sofa small, God wey koll una with en grace enter en glory for Christ, go make una komplete, una leg go strong and una go get pawa.

2 Pita 1:3

I pray make God pawa give us evritin wey wi nid, so dat wi go fit live di kind life wey E wont, as wi don know di trut about Jesus wey koll us with en glory and goodness.

Revelashon 17:14

Dem go follow di Lamb fight war, but di Lamb go win dem, bikos na en bi Oga God for all ogas, King for all kings and pipol wey dey follow di Lamb, na doz wey e koll, choose and save.”