1 Tesalonians 5:19 - Holy Bible Nigerian Pidgin English

¹⁹ Make una nor drive God Spirit komot for una life.

1 Tesalonians 5:19 ပူးပေါင်းရင်းမြစ်များ

Jenesis 6:3

So Oga God kon sey, “My Spirit nor go fit stay with man again pass one hundred and twenty years, bikos dem bi ordinary human being.”

Nehemaya 9:30

Bikos of yor love, Yu dey patient with dem for many years. Yu send yor Spirit wey warn dem thru di profets. But yet, dem nor gri listin! So Yu allow oda nashons attack dem again.

Psalms 51:11

Nor drive mi komot from yor present or take yor holy spirit from mi.

Song of Songs 8:7

Even strong wota nor fit kwensh love; river nor go fit swallow love. Pesin nor go fit buy love with all en propaty, bikos dem nor dey sell am.

Isaya 63:10

but dem fight against am kon make am vex. So God kon bi dia enemy and E fight against dem too.

Acts 7:51

“Si how una sturbon! Just as una grand-grand papa dem bi, na so una still bi too, bikos una don make una heart strong to disobey God!

1 Korintians 14:30

And if one among di pipol wey sidan receive message from God, di pesin wey dey tish must stop make di pesin for tok.

Efesians 4:30

Make una nor do wetin go make di Holy Spirit vex. Bikos na di Holy Spirit bi di mark wey God put for una body, so dat for judgement day, E go know doz wey E go save.

Efesians 6:16

and with all dis, make una karry faith wey go help una kwensh all di wiked arrows wey Satan dey trow.

1 Tesalonians 5:20

Make una nor take God word wey pesin tok as yeye tin.

1 Timoti 4:14

Nor stop to dey use di spiritual gift wey yu get; bikos yu get am thru profesy, wen eldas put hand for yor head dey pray.

2 Timoti 1:6

Na dis make mi dey remind yu sey, make yu dey use God gift wey yu get well and yu receive dis gift afta I lay hand for yor head.

1 Samuel 16:4

Samuel kon do as God sey make e do. Wen e rish Betlehem, di eldas for di town dey fear to go meet am. So dem kon sey, “Hope yu kom with peace?”