1 Tesalonians 4:9 - Holy Bible Nigerian Pidgin English

⁹ No nid to rite give una about love for una fellow Christians, bikos God ensef don tish una about how una suppose love each oda.

1 Tesalonians 4:9 ပူးပေါင်းရင်းမြစ်များ

Psalms 133:1

Make una si as e dey good and wonderful wen God pipol dey stay togeda for peace!

Isaya 51:13

Una don forget God wey make una; di Pesin wey stresh heaven kon make di eart foundashon? Why una dey always fear pipol wey dey opress una; doz wey ready to distroy una? But naw, una nor go fear dem again.

Jeremaya 31:33

Afta I don bring Israel pipol kom back to dia land, dis na di new kovenant wey I go make with dem: I go put and rite my law for dia heart. I go bi dia God and dem go bi my pipol.

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Levitikus 19:8

Anybody wey chop am go dey guilty, bikos e trit wetin dey holy wey dem give to God like ordinary tin and e nor go dey among my pipol again.

Matiu 22:39

Di sekond one bi like di first one: ‘Make pesin love en neighbour as e love ensef.’

John 14:26

But di pesin wey go help una na di Holy Spirit, wey my Papa go send kom for my name. E go tish una evritin and e go help una remember evritin wey I don tell una.

Acts 4:32

All di pipol wey bilive Jesus Christ kon dey do tins togeda with one mind and nobody sey e go use wetin e get for ensef alone, so dem kon dey share dia propaty togeda.

Romans 12:10

Make una love each oda like brodas and sistas and make una respet oda pipol pass unasef.

2 Korintians 9:1

I nor nid to rite to una about how to help God pipol wey dey Jerusalem,

Filippians 3:15

So wi wey don mature for Christ, make wi get dis kind mind. But if una dey tink difren tins, I bilive sey God go show una di trut.

1 Tesalonians 5:1

Brodas and sistas, koncerning di time and sizin wen dis tins go happen, wi nor nid to rite anytin give una.

Hibru 10:16

“Dis na di kovenant wey I go make with una and afta dat time,

Hibru 13:1

Make una dey love each oda like Christian brodas and sistas.

1 Pita 3:8

So, make una live for peace togeda, dey sorry for each oda; love one anoda and nor dey karry body up.

1 Pita 4:8

As una dey do so, make una love for each oda dey strong, bikos love dey kover plenty sins.

2 Pita 1:7

and love una brodas and sistas without parsha.

1 John 2:10

Pesin wey love en broda or sista for Christ, dey live inside di lite and nor-tin go make am fall.

1 John 3:11

Dis na di Good News wey una don hear from di biginnin sey, “Make wi love each oda as awasef.”

1 John 3:23

Na wetin E kommand bi dis, “Make wi bilive en pikin Jesus Christ name and make wi love each oda, even as E don kommand us.”

1 John 4:21

God don kommand us sey: “If anybody love mi, make e love en broda and sista for Christ too.”