1 Tesalonians 4:6 - Holy Bible Nigerian Pidgin English

⁶ Make nobody shit en Christian broda or make am vex, bikos na God go fight for di pesin wey yu shit and wi don tell una before and wi still dey warn una sey, God go really ponish pipol wey dey do like dat.

1 Tesalonians 4:6 ပူးပေါင်းရင်းမြစ်များ

Psalms 140:12

But I know sey God go help di pipol wey dem dey opress kon judge well for poor pipol.

Psalms 94:1

My Oga wey dey fight for pipol. Di God wey dey take revensh, make Yu show us yor glory!

Exodus 20:15

Make una nor tif.

Exodus 20:17

Make una nor get long-trot for una neighbour propaty; en wife, savants, melu, donkey or anytin wey bi en own.”

Proverbs 11:1

God hate pipol wey dey play wayo, but E dey love doz wey dey do good tins.

Proverbs 16:11

Make una nor dey play wayo wen una dey measure and sell tins give pipol, bikos God nor like am.

Proverbs 20:14

Pesin wey dey buy sometin go sey, “Dis tin too dear! E too dear!” But afta e don buy am, e go-go make mout sey “Dis tin wey I buy so, cheap well-well.”

Proverbs 20:23

God nor like pipol wey dey weigh and measure tins with wayo.

Proverbs 28:24

Pesin wey tink sey e nor bad to tif from en papa and mama, nor betta pass ordinary tif.

Ekklesiastes 5:8

Nor sopraiz wen dem dey opress poor pipol or as bad judgement dey kover good judgement. Dis na bikos, di lowa ofisas must do wetin dia senior ofisas orda dem to do.

Isaya 5:7

Na Israel pipol bi God vineyard, why Judah pipol na di good vine wey E plant. E espect dem to do good, instead dem dey do bad and kill pipol. E bin dey wait to si weda dem go do wetin dey rite, instead pipol wey dem kill, dia blood dey kry go meet God.

Jeremaya 7:6

Make una stop to opress di strenjas among una; shidren wey nor get papa and mama and wimen wey dia husband don die. Make una stop to kill innocent pipol and woship oda gods, bikos e go distroy una.

Jeremaya 9:4

Make evribody dey kareful of en friends and make yu nor trust yor broda, bikos even broda dey shit en broda. And friends dey lie against each oda well-well.

Ezekiel 22:13

“Si, I dey klap my hand as una dey tif and kill.

Levitikus 19:11

“ ‘Make una nor play wayo, tif or lie.

Levitikus 19:13

Make una nor opress or play una neighbour wayo. Make una nor make una worker wait until di next day, before una pay dem.

Levitikus 25:14

Wen una sell land to una fellow Israel pipol or buy from dem, make una nor do wayo.

Levitikus 25:17

Make una nor play una fellow Israel pesin wayo, but make una obey di Oga una God.

Mikah 2:2

Wen dem wont pesin land, dem go dey find how dem go take seize am and wen dem wont pesin house too, dem dey take am by force. Dem dey opress, shit and take pipol propaty.

Zefanaya 3:1

Bad tins go happen to Jerusalem pipol, bikos dem don spoil di town kon turn am to where wayo full.

Zefanaya 3:5

But God still dey di town and E nor dey do bad at-all. E dey always judge matter well and E nor dey fail. Yet wiked pipol nor dey shame at-all.

Malakai 3:5

Oga God sey, “I go judge pipol wey dey do majik; doz wey dey sleep with who dem nor marry; pipol wey dey tok wetin dia eye nor si; oga dem wey nor dey pay dia workers; doz wey dey opress wimen wey dia husband don die, shidren wey nor get papa and mama again and strenjas. Dem dey do like dis, bikos dem nor dey fear mi.

Mark 10:19

Yu know di kommandment; nor kill pesin, nor sleep with pesin wey yu nor marry, nor tif, nor lie for pesin head, nor shit pesin, respet yor papa and mama.”

Luke 12:5

But make I tell una who una must fear: Make una fear di Pesin wey get pawa to trow una inside hell-fire afta E don kill una. Yes, I tell una true word, na-im una must fear!

Luke 16:28

(bikos I get five brodas), so dat e go warn dem, make dem nor for kom sofa for dis place.’

Romans 1:18

Bikos of all di sins and bad tins wey wiked pipol dey do, God vexnashon dey show from heaven and di sins dey kover di trut.

Romans 12:19

Make una nor try to pay anybody for di bad tin wey dem do una, but make una leave am for God, bikos God word sey, “Na mi go revensh for una. I go pay dem back.”

Romans 13:4

Bikos all rulers na God savant and na dia duty to help una. If una do bad, den make una fear, bikos dis rulers get pawa to ponish una. Dem bi God savants wey dey ponish doz wey do bad tins.

2 Korintians 7:11

Naw, make una si wetin dis vexnashon wey God plan don do for una: Si how una work for God bi naw; si how una won show sey una hand klean; si as una dey vex bikos of di bad tin wey happen; si how una dey sopraiz; si as una dey won si and worry about us; si how una ready to ponish anybody wey do bad! For evritin, una don show sey una hand klean for dis matter.

Galatians 5:21

bad belle; killi-killi; to dey drink anyhow and dey do oda tins like all dis ones. I dey warn una naw as I don warn una before sey, pipol wey dey do dis kind tins, nor go enter God kingdom!

Efesians 4:17

So, I dey use Christ pawa take tell una dis tins sey, make una nor live una life like Gentile pipol wey dey tink only bad and tins wey nor get sense.

Efesians 4:28

Pesin wey dey tif, make e nor tif again. Instead, make e work hard and do good with en own hand, so dat e go fit give pipol wey nor get.

Efesians 5:6

Make una nor let anybody deceive una with yeye word, na dis tins make God dey vex for doz wey nor dey obey am.

Deutronomi 24:7

If una katch pesin wey kidnap anoda Israel pesin kon dey trit am like slave or sell am, di pesin wey kidnap anoda pesin, must die. Like dis, una go remove bad-bad tins from among una.

Deutronomi 32:35

I go revensh and pay dem back wen dem go fall, bikos di day wen wahala go kom meet dem, don near well-well and dia judgement don almost full!”

1 Tesalonians 2:11

As unasef know, wi dey trit una as papa dey trit en shidren.

2 Tesalonians 1:8

Den Christ go use fire wey nor dey kwensh take ponish doz wey nor know God and wey nor dey obey wetin wi dey prish about am.

Hibru 13:4

Make evribody respet marriage: una must make sure sey una nor sleep with who nor bi una husband or wife, bikos God go judge pipol wey dey sleep with who dem nor marry and pipol wey don marry, wey dey sleep with oda pipol.

Hibru 2:6

Instead, David tok for God word sey: “Wetin human being bi wey make yu dey kare for am and who bi yor pikin wey yu dey kare for like dis?

James 2:6

But una nor dey respet poor pipol! Nor bi rish pipol dey opress and drag una go kourt?

James 5:4

Si, di money wey yu nor gri pay di workers wey dey work for yor farm, dey kry against yu and di pipol wey dey gada wetin yu plant, dia kry don rish God ear.