1 Tesalonians 4:16 - Holy Bible Nigerian Pidgin English

¹⁶ God big angel go shaut dey kommand as Christ dey kom down from heaven; di angel vois go dey loud with God trumpet and doz wey bi Christian before dem die, go first go up.

1 Tesalonians 4:16 ပူးပေါင်းရင်းမြစ်များ

Psalms 47:1

Evribody! Make una kom! Make una klap una hand! Make una shaut praiz God with klean mind!

Psalms 47:5

God dey waka go en throne and pipol dey shaut and blow trumpet as E dey go.

Exodus 19:16

For morning for di third day, tonda, lite and one tick kloud kon appear on-top di mountin, so dem blow di horn well-well. Fear katch all di pipol for di kamp.

Exodus 20:18

Den di pipol si di tonda and di lite. Dem hear di horn sound kon si di mountin wey smoke kover and wen di pipol si all dis tins, fear katch dem, so dem kon waka far from di place.

Isaya 27:13

Wen dat day rish, dem go blow one loud trumpet, den Israel pipol wey dem katch go Egypt and Assyria go kom back kon woship Oga God for en holy mountin for Jerusalem.

Joel 2:11

God vois bi like tonda as E dey lead en sojas wey nobody fit kount. And doz wey dey obey en kommand, many and strong well-well. Di day wey God choose go great well-well, so na who go fit survive am?

Zekaraya 4:7

“Even di strongest mountin nor go fit stand fight Zerubabel, bikos di mountin go turn ordinary groun for en front! And wen Zerubabel don put di final stone for where e suppose dey for di temple, di pipol go shaut, ‘Make God bless am! Make God bless di temple well-well!’ ”

Zekaraya 9:14

God go appear on-top en pipol; E go shot en arrow like tonda lite. God wey get pawa go blow di trumpet; E go mash kom from sout under one heavy rain.

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Nombas 23:21

Wahala nor go happen to Jakob shidren; Israel pipol nor go si trobol. Bikos di Oga wey bi dia God dey with dem and na-im bi di king.

Matiu 16:27

God Pikin and en angels go kom inside en Papa glory, den e go reward evribody akordin to dia work.

Matiu 16:28

I tell una true word, some of una dey here wey nor go die, before God Pikin go kom back with en kingdom.”

Matiu 25:31

“Wen Man Pikin and en angels go kom with en glory, e go sidan for en king throne.

Matiu 26:64

Jesus ansa am, “Yu don tok am. But I tell yu, from naw go, yu go si Man Pikin sidan for God rite hand dey kom down for kloud from heaven.”

Acts 1:11

kon sey, “Galilee pipol, na wetin make una stand der dey look heaven like dat? Dis Jesus Christ wey God don karry go heaven today, go still kom back di same way wey una si am dey go heaven.”

1 Korintians 15:18

And doz wey bilive Christ before dem die, don lost bi dat.

1 Korintians 15:20

But God don raiz Christ from deat! And E make us dey sure sey, oda pipol go raiz-up from deat too.

1 Korintians 15:23

But all of us must wait for awa turn. Na Christ God first raiz kom life and Christ go raiz en pipol wen e kom back.

1 Tesalonians 1:10

And una dey wait en pikin wey dey kom from heaven. Dis na en pikin, Jesus wey E wake from deat and na-im go save us from God vexnashon wey dey kom.

1 Tesalonians 3:11

Make God awa papa and Oga God Jesus prepare road for us, so dat wi go si una again.

2 Tesalonians 1:7

And una wey dey sofa so, God go give wi and una rest wen Christ go kom from heaven with en mighty angels.

2 Tesalonians 2:1

Naw my brodas and sistas, for di time wen Jesus go kom and wen God go gada us go meet am, wi won tell una sey,

2 Pita 3:10

Di day wen God go kom, go bi like wen tif dey kom for nite. Wen E kom, di heaven go disappear with loud nois and di stars for up go melt, di whole eart and evritin wey dey inside, go vanish.

Jude 1:9

But wen Mikael, di big angel dey kworel with devil bikos of Moses body, e nor curse am, but instead, e sey, “Na God go judge yu!”

Revelashon 1:10

On Sunday, God Spirit kon dey kontrol mi and from my back, I kon hear one loud vois like trumpet dey sey,

Revelashon 1:7

(Make una look! E dey kom back inside di kloud and evry eye go si am. Even doz wey shuk am and all di tribes wey dey dis eart, go kry bikos of am. Dis tins go really happen! Amen.)

Revelashon 14:13

Den I hear one vois from heaven dey sey, “Make yu rite dis tins: “God don bless pipol wey bilive and obey Christ before dem die!” Di Spirit sey, “Blessing go really follow dis pipol and dem go rest from dia hard work, bikos of di good wey dem do.”

Revelashon 8:13

Den I look and I hear one eagle dey shaut as e dey fly for sky, “E go bad well-well! E go bad well-well! E go bad well-well for pipol wey dey dis eart, bikos of wetin go happen wen di last three angels go blow dia trumpets.”

Revelashon 8:2

Den I si seven angels wey stand for God present and E give dem seven trumpets.