1 Tesalonians 3:9 - Holy Bible Nigerian Pidgin English

⁹ and wi dey tank God for una. Wi dey tank am for di joy wey wi get for en present bikos of una.

1 Tesalonians 3:9 ပူးပေါင်းရင်းမြစ်များ

2 Samuel 6:21

David ansa, “I dey dance to honor God wey choose mi, instead of yor papa and en family. E make mi lead Israel wey bi en pipol. I go kontinue to dey respet God with my dance

2 Kronikles 31:8

Wen King Hezekaya with en ofisas si wetin dem gada, dem praiz God kon bless di pipol.

Nehemaya 9:5

Levi pipol: Jeshua, Kadmiel, Bani, Hashabneaya, Sherebaya, Hodaya, Shebanaya and Petahaya kon tell di pipol sey, “Make una stand praiz di Oga una God bikos E dey forever and ever!” Den dem pray sey, “Wi go praiz yor holy name! Make yor name high pass evry blessing and praiz!

Psalms 116:12

So, wetin I go give God for evritin wey E don do for mi?

Psalms 68:3

But pipol wey dey fear God go dey happy; dem dey happy for God present and dia joy nor dey end.

2 Korintians 2:14

But make wi tank God wey make us winners inside Christ. Bikos thru us, many pipol don know tins about Christ, like betta perfume wey dey smell for evriwhere.

2 Korintians 9:15

Na dis make us dey tank God for dis gift wey pesin mout nor fit tok.

Deutronomi 12:18

Una must chop dis tins for di Oga una God present and e go bi for di place wey E choose. Make una chop for der with una shidren and Levi wey dey stay with una and for evritin wey una dey do, make una dey celebrate for di Oga una God present.

Deutronomi 12:2

Wen una porshu di kountries wey dey der, una must distroy all di place wey dem for dey woship dia gods, both for di mountin, on-top di hill and under evry tree.

Deutronomi 16:11

Dis na time to celebrate before di Oga una God for di place wey dem for dey woship am; di place wey E choose sey make dem honor en name. Make una celebrate with una shidren, all una savants, Levi pipol for una town, strenjas, shidren wey nor get papa and mama again and wimen wey dia husband don die wey dey stay with una.

1 Tesalonians 2:19

Nor bi una bi awa hope, joy and crown wey wi go take boast give Jesus wen E kom? Yes! Na una!