1 Tesalonians 3:12 - Holy Bible Nigerian Pidgin English

¹² Make Christ make una love for each oda and for evribody, grow more-more and big, just as awa love for una bi,

1 Tesalonians 3:12 ပူးပေါင်းရင်းမြစ်များ

Psalms 115:4

Na silva and gold human being take make dia juju.

Matiu 22:39

Di sekond one bi like di first one: ‘Make pesin love en neighbour as e love ensef.’

Matiu 7:12

Bikos of dis, make yu trit pipol as yu wont make dem trit yu, bikos na so dem rite am for di Profets and Moses Law.

Luke 17:5

Di disciples kon tell Jesus, “Wi beg! Make yu make awa faith strong.”

Romans 13:8

Make love bi di only tin wey yu dey whole! If yu love odas, yu don do evritin wey di law tok.

2 Korintians 9:10

Bikos na God dey give seed to farmer and provide bread wey pipol go chop. Like dis too, E go provide and di tins wey una nid, go plenty well-well and dem go last forever.

Galatians 5:22

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes,

Galatians 5:6

For Christ, e nor matter weda dem sekonsaiz pesin or not; di only tin wey matter, na faith wey dey work thru love.

Filippians 1:9

I pray make una love dey strong more-more for God tins wey una learn and make E help una undastand,

1 Tesalonians 2:8

Bikos wi love una, wi dey happy as wi dey share God word and awa own life with una.

1 Tesalonians 4:1

Finally, my brodas and sistas, wi dey ask and beg una bikos of Christ sey, as una don hear from us about how una suppose live as God wont (as una dey do naw), make una kontinue to dey live like dat.

1 Tesalonians 5:15

Make una dey sure sey nobody pay bad for bad, but for evritime, make una always dey do good for each oda and for evribody.

2 Tesalonians 1:3

Wi get betta rizin to dey tank God evritime for una, bikos una faith dey grow more-more and di love wey una get for each oda, dey grow too.

James 1:17

bikos evry betta and pafet gift dey kom from God. E dey kom down from di Papa wey kreate lite and E nor dey shange.

2 Pita 1:7

and love una brodas and sistas without parsha.

2 Pita 3:18

But make una grow inside di grace wey awa Oga God and Savior, Jesus Christ give una, so dat una go know am more-more. Make glory bi en own, naw and forever! Amen.