1 Tesalonians 2:5 - Holy Bible Nigerian Pidgin English

⁵ As una know, wi nor ever try to win una with sweet words. And God na awa witness sey wi nor dey pritend to bi una friends bikos of una money.

1 Tesalonians 2:5 ပူးပေါင်းရင်းမြစ်များ

Job 16:19

I know sey pesin dey for heaven wey go stand fight for mi.

Job 17:5

Pesin wey sell en friend bikos of money, na en shidren go sofa am.

Proverbs 20:19

Pesin wey dey do aproko nor go fit keep sekret. So make yu run from pesin wey dey tok too mush.

Proverbs 26:28

Na only pesin wey yu hate, yu go like lie against and yeye words dey distroy pipol.

Proverbs 28:23

If yu korrect pesin, e go like am pass wen yu praiz am.

Isaya 30:10

Dem tell di pesin wey dey si vishon sey, “Make yu nor si any vishon for us” and dem tell di profet sey, “Make yu nor tell us di rite tin again!” Dey tell us betta and sweet tins. Make yu just dey lie give us.

Isaya 56:11

Dem bi like wiked dogs wey nor-tin dey satisfy. Dis leaders nor dey undastand at-all. All of dem dey do as dem like.

Jeremaya 6:13

Bikos both rish and poor pipol dey make money with wayo. Even profets and priests join dem dey deceive pipol too.

Jeremaya 8:10

So, I go give dia wifes to oda men kon give dia farm to oda pipol. I go do am, bikos both rish and poor pipol dey use wayo take dey get dia money. Even profets and priests don join dey deceive pipol too.

Mikah 3:5

Dis na wetin God tok: “Una wey bi lie-lie profets dey make my pipol sin! If pesin give una food chop, una go sey make peace dey with am, but doz wey nor give una, una go won fight dem.

Malakai 1:10

God sey, “I wish sey one of una go klose di temple door, so dat una nor go dey burn yuzles fire for my altar. I nor dey happy with una and I nor go asept di sakrifice wey una dey bring kom give mi.”

Matiu 22:16

So dem kon send dia disciples, with some pipol wey dey support Herod, go meet Jesus sey, “Tisha, wi know sey yu dey tok trut well-well and yu dey tish wetin God wont. Yu nor dey favor anybody, bikos yu nor dey play wayo.

Matiu 23:13

“But e go bad for una wey dey tish di law and una Farisee pipol, una wey dey pritend! Una klose door make pipol nor for fit enter God Kingdom! Unasef nor won enter and una nor won make odas enter.

Acts 20:33

Since una know mi, I nor put eye for anybody gold, silva or koat.

Romans 1:9

God wey I dey serve and prish en pikin gospel, na-im fit bear mi witness sey I always dey remember una

Romans 16:18

Bikos dis kind pipol nor dey serve awa Oga God Jesus Christ, but na dia belle dem dey kare for. With dia sweet and wayo mout, dem go praiz and deceive pipol wey nor wise.

Romans 9:1

Na di trut I dey tok, na Jesus get mi and di Holy Spirit dey bear witness for my mind sey, I nor dey lie wen I sey,

2 Korintians 12:17

I nor play anybody wayo thru di pesin wen I send kom meet una, abi I dey lie?

2 Korintians 2:17

Wi nor bi like odas wey dey do God word like sey na sometin wey dem fit sell; but bikos na God send us kom, wi dey tok di trut for en present, as Christ savant.

2 Korintians 4:2

But wi don stop to dey do wiked tins wey pipol dey hide dey do; wi nor dey do wayo or lie join God word, but with trut wey evribody fit si, wi dey make evribody know for dia mind sey, wetin wi dey do, dey good for God eye.

2 Korintians 7:2

Make una allow di gospel enter una heart bikos wi nor do bad to anybody or fall anybody business or play anybody wayo.

Galatians 1:20

God dey si wetin I dey rite, bikos evritin wey I dey rite to una so, na true!

1 Tesalonians 2:10

As wi dey live with una wey bilive Christ, una and God na awa witness sey, wi dey holy and dey do good tins for God eye without fault.

1 Timoti 3:3

Make e nor bi drunkard or pesin wey like to fight; but e must dey gentol. Make e nor bi pesin wey like to kworel or love money.

1 Timoti 3:8

Like dis too, deakons must bi pipol wey get good karata; nor bi pipol wey dey play wayo; dey drink anyhow or love money.

Titus 1:7

Make pesin wey bi leader nor get fault, bikos na God work e dey do. Make e nor dey karry body up; dey kwik vex or drink anyhow; dey like to beat pipol or love money.

1 Pita 5:2

Make una kare for di sheep wey God give una whole, just as shepad dey kare for dia sheep. Make e nor bi like sey dem force una do am, but na as God wont am. Una nor dey do am bikos of money, but na bikos una won do am.

2 Pita 2:18

Dem dey use dia big-big grammar wey nor mean anytin, take deceive pipol wey just dey won komot hand for bad tins.

2 Pita 2:3

and dis tishas go deceive una with dia wayo. God don kondemn dem tey-tey and Christ wey go distroy dem, nor dey sleep.

Jude 1:11

Curse dey dia head! Bikos dem dey bihave like Kain and bikos of long-trot, dem dey do di mistake wey Balaam do. So dem go must die like Korah, wey disobey God.