1 Tesalonians 2:14 - Holy Bible Nigerian Pidgin English

¹⁴ My brodas and sistas, na di same tin happen to God church for Judea and una wey bilive Christ for der don still sofa pain from una kountry-men wey bi Jew pipol.

1 Tesalonians 2:14 ပူးပေါင်းရင်းမြစ်များ

Acts 11:19

All di pipol wey skata komot from Jerusalem for di time wey dem kill Stefen kon travel go far place like Foenicia, Cyprus and Antiok, dey prish give only Jew pipol.

Acts 13:50

But di Jew pipol tok bad tins about Paul and Banabas give all di big wimen wey dey fear God and di big-big men for di town, so dem sofa dem and drive dem komot from di aria.

Acts 14:19

But afta some Jew pipol wey kom from Antiok and Ikonium don win di pipol mind, dem kon stone Paul, drag am komot from di town, bikos dem tink sey e don die.

Acts 14:2

But di Jew pipol wey nor gri bilive, gada di Gentile pipol kon spoil dia mind against Paul and Banabas.

Acts 14:4

But di pipol wey dey di town kon divide; some dey di Jew side and some dey di apostle side.

Acts 14:5

Di Gentile and di Jew pipol (with di oga dem wey dey rule dem) kon dey try to sofa and stone di disciples,

Acts 17:13

But wen di Jew pipol wey dey for Tesalonika hear sey Paul don rish Berea dey prish God word, dem kon go der go kause wahala and spoil di pipol mind.

Acts 18:12

Wen Gallio dey rule for Akaia, Jew pipol join togeda attack Paul kon karry am go di judgement seat.

Acts 8:1

Saul happy wen dem dey kill Stefen. Na from dat day trobol start for di church wey dey Jerusalem and all di bilivers kon skata go Judea and Samaria, but na only di apostles nor run.

Acts 8:3

But Saul try to distroy di church; e dey go from house to house dey arrest men and wimen put for prison.

Acts 9:1

As all dis tins dey happen, Saul still dey tell di disciples sey e go kill dem. E go meet di High Priest

Acts 9:13

But Ananias ansa, “Oga God, many pipol don tell mi about dis man and all di wiked tins wey e don do to yor pipol for Jerusalem.

Acts 9:31

Dat time, di church wey dey Judea, Galilee and Samaria get rest and dis kon make dem strong as dem dey stay togeda, dey woship God with all dia heart and as di Holy Spirit dey tok to dem. So pipol wey dey di church kon dey plenty more-more.

1 Korintians 10:32

Live yor life so dat yu nor go kause trobol for Jew or Greek pipol or for pipol wey dey God church.

1 Korintians 7:17

For evry church, I dey tell di pipol sey make dem remain as dem bi wen Oga God Jesus choose and koll dem to bi en own. Naw, na di same tin I dey tell una so.

Galatians 1:22

But di pipol for di church wey dey Judea, nor know mi.

1 Tesalonians 1:1

Na Paul, Silas and Timoti rite dis leta go give God and Jesus Christ pipol wey dey di church for Tesalonika. Make God grace and peace dey with una.

1 Tesalonians 1:6

So, una kon bigin do as wi and Christ dey do; even doh una sofa well-well, una receive di message with joy wey di Holy Spirit dey give.

1 Tesalonians 3:4

Wen wi dey with una, wi dey tell una before di time rish sey, wi go sofa well-well and e don dey happen as una dey si am.

2 Tesalonians 1:1

Na Paul, Silas and Timoti rite dis leta go give God and Jesus Christ pipol wey dey di church for Tesalonika.

2 Tesalonians 1:4

So, bikos of una faith and how una dey bear wahala and sofa, wi dey use una boast to all di pipol for God church.