1 Tesalonians 2:10 - Holy Bible Nigerian Pidgin English

¹⁰ As wi dey live with una wey bilive Christ, una and God na awa witness sey, wi dey holy and dey do good tins for God eye without fault.

1 Tesalonians 2:10 ပူးပေါင်းရင်းမြစ်များ

Jeremaya 18:20

Na evil dem dey take pay good? Naw, dem don dig pit for mi make I fall inside. Wen Yu dey vex dat time, make Yu remember as I beg Yu bikos of dem, so dat Yu nor go ponish dem.

Nombas 16:15

Moses vex well-well kon tell God, “Make Yu nor asept dia ofrin. I nor tif dia animal or do any bad tin against dem.”

Luke 23:41

Na dis ponishment fit us, bikos na wetin wi do naim make dem dey ponish us so. But dis man nor do any bad tin.”

Acts 20:18

Wen dem kom, e tell dem, “All of una know how I dey live my life since di time wey I dey with una and from di first day wey I enter Asia;

Acts 20:26

So, I won tell una naw sey, nobody blood dey for my head.

Acts 24:16

Na bikos of dis I dey always try my best to get klean belle for God and pipol front.

2 Korintians 1:12

Wi dey happy, bikos wi know sey di way wi dey live awa life for dis world and how wi dey bihave with una, dey show sey na God send us thru en pawa, nor bi human being own.

2 Korintians 11:11

Why? Na bikos I nor love una? No! God know sey I love una!

2 Korintians 11:31

God wey bi awa Oga God Jesus Christ Papa, wey dem go praiz forever, know sey nor bi lie I dey tok.

2 Korintians 4:2

But wi don stop to dey do wiked tins wey pipol dey hide dey do; wi nor dey do wayo or lie join God word, but with trut wey evribody fit si, wi dey make evribody know for dia mind sey, wetin wi dey do, dey good for God eye.

2 Korintians 5:11

So, bikos wi know wetin e mean to fear God, naim make us dey prish and beg pipol. But God know us well-well and I hope sey una know us well-well for una mind too.

2 Korintians 7:2

Make una allow di gospel enter una heart bikos wi nor do bad to anybody or fall anybody business or play anybody wayo.

1 Tesalonians 1:5

Nor bi only thru ordinary word wi take prish di gospel give una, but na with di Holy Spirit pawa and wi show sey, evritin wey e tok, na true. Una know how wi dey live and help una.

1 Tesalonians 2:5

As una know, wi nor ever try to win una with sweet words. And God na awa witness sey wi nor dey pritend to bi una friends bikos of una money.

2 Tesalonians 3:7

Una know sey una suppose to dey imitate us, bikos wi nor bihave anyhow wen wi dey with una.

1 Timoti 4:12

Nor let anybody opress yu bikos of yor age; but make yu show ezample to doz wey bilive thru yor word, karata, love, faith and as yu pure rish.

2 Timoti 3:10

But yu don know my tishings; di way I dey live my life and why I dey do wetin I dey do: my faith; patient; love and as I dey bear.

1 Pita 5:3

And make una nor dey opress God pipol wey dey under una, instead make una bi ezample to dem.