1 Tesalonians 1:5 - Holy Bible Nigerian Pidgin English

⁵ Nor bi only thru ordinary word wi take prish di gospel give una, but na with di Holy Spirit pawa and wi show sey, evritin wey e tok, na true. Una know how wi dey live and help una.

1 Tesalonians 1:5 ပူးပေါင်းရင်းမြစ်များ

Isaya 55:11

Na so e bi too with di word wey I dey tok; e go must do wetin I plan for am. E go must do evritin wey I send am make e kom do.

Mark 16:20

Den, di disciples go evriwhere for di aria dey prish di gospel and Jesus dey do many mirakles thru dem, so dat pipol go know sey, wetin dem dey prish, na true.]

Luke 1:1

Many pipol don rite di story about di tins wey happen among us,

Acts 11:21

God pawa dey with dem and many pipol wey bilive kon bigin dey follow Jesus Christ.

Acts 16:14

E get one woman wey dey listin to us, en name na Lydia and e kom from Tiatira. E dey fear God well-well and dey sell purpol klot. God open en heart to bilive evritin wey Paul tok.

Acts 2:33

Bikos God don promote am make e dey en rite hand and e don receive di Holy Spirit wey en Papa promise and naw, e don pour di Holy Spirit for awa body, as una si am dey happen so.

Romans 1:16

I nor dey shame to prish God word, bikos na-im bi di pawa wey God take dey save doz wey bilive am, weda dem bi Jew or Gentile pipol.

Romans 15:13

I pray make God wey dey give hope, bless una with joy and peace bikos of una faith. So make di Holy Spirit pawa full una body with faith.

Romans 2:16

So just as I prish give una, na so e go bi for dat day, wen God go judge all di sekret tins wey dey pipol heart thru Jesus Christ wey bi en pikin.

1 Korintians 1:24

But for wi wey God don koll, weda wi bi Jew or Greek; na Christ bi God pawa and wisdom wey save us.

1 Korintians 10:33

Make una dey do as I dey do; bikos I dey always try to please evribody instead of mysef, bikos I wont make God save dem.

1 Korintians 3:16

Una nor know sey una bi God Temple and en Spirit dey inside una?

1 Korintians 3:6

I dey plant di seed and Apollos dey wota dem, but na God dey make di seed grow.

1 Korintians 4:20

Bikos God kingdom matter, nor bi about ordinary tok, but na about pawa.

1 Korintians 9:14

Na so too God kommand sey, doz wey dey prish di gospel, go chop thru di gospel wey dem dey prish.

2 Korintians 3:6

Na God make us fit do dem, so dat wi go serve di new kovenant; dis nor bi di law wey dem rite, but na di one wey koncern God Spirit, bikos di law wey dem rite dey bring deat, but di Spirit dey give life.

Galatians 2:2

I go der bikos of di revelashon wey I receive, den I tell dem about wetin I dey prish give Gentile pipol. But I tok with di oga dem, so dat dem go dey sure sey, I dey prish Christ message.

Galatians 5:5

Bikos na thru faith for God Spirit, naim wi hope sey, God go make us dey good for en eye.

Efesians 2:10

God kreate us thru Jesus Christ as di good work wey E don prepare down before, so dat wi go dey do as E plan.

Efesians 3:20

So, make all di glory bi God own; di Pesin wey dey do pass di tins wey wi go fit ask or tink, thru en pawa wey dey work inside us.

Filippians 2:13

bikos na God dey work inside una and una go fit do good tins kon get di pawa wey go make una happy.

Filippians 4:9

So anytin wey una learn, hear and si mi dey do, make una dey do dem too. And di God wey dey give us peace, go dey with una.

Kolossians 2:2

Wetin I wont bi sey, wen una don really undastand God sekret wey dey inside Jesus Christ, make una heart dey strong with love, so dat una go get evritin wey una wont.

1 Tesalonians 2:13

Wi still dey tank God evritime, bikos wen una asept God message wey una hear from us, una nor asept am like sey na human being message, but una asept am as God message and true-true na God message e bi and God dey work inside una wey don bilive.

2 Tesalonians 2:14

E koll una enter en salvashon thru awa message, so dat una go fit get share for Christ glory.

2 Timoti 2:10

So I dey ready to bear di sofa, as long as e go save doz wey God don choose inside Christ with glory wey go dey forever and ever.

2 Timoti 2:8

Remember Jesus Christ wey kom from David family; di pesin wey God raiz from deat; bikos na so e bi for di message wey I dey prish

Hibru 10:22

So make wi draw near God with betta heart and strong faith, bikos God don wosh awa heart and body with klean wota.

Hibru 6:11

As una still dey dis world, wi wont make una kontinue to love one anoda, so dat wetin una dey hope for, go kom.

1 Pita 1:12

Dem show sey nor bi demsef dem dey work for, but na for una, bikos una hear dis matter from di apostles thru di Holy Spirit pawa wey kom from heaven. Even angels dey wish sey dem know dis tins.

1 Pita 1:3

Wi tank God wey bi awa Oga God Jesus Christ Papa, for di mesi wey E dey show us. God give us new life thru Jesus Christ wey E wake from deat and naim bi di Pesin wey give us hope.

1 Pita 5:3

And make una nor dey opress God pipol wey dey under una, instead make una bi ezample to dem.

2 Pita 1:10

So my brodas and sistas, make una do evritin to show sey, God koll and choose una. As una dey do so, una nor go ever fall inside sin.

2 Pita 1:19

Afta dat one, wi bilive wetin di profets prish. Una go do well if una hear and follow di lite wey dey shine for darkness and wen day break, di star wey dey kom for morning, go shine for una heart.