1 Samuel 3:19 - Holy Bible Nigerian Pidgin English

¹⁹ Samuel kon dey grow and God dey with am. Anytin wey e tok, must happen.

1 Samuel 3:19 ပူးပေါင်းရင်းမြစ်များ

Jenesis 21:22

For dat time, King Abimelek and Fikol wey bi kommander for en soja kon tell Abraham sey, “God dey with yu for evritin wey yu dey do.

Jenesis 28:15

I go dey with yu! I go guide yu for anywhere wey yu dey go kon bring yu kom back to dis land. I nor go leave yu until I don do wetin I promise yu!”

Jenesis 39:2

God dey with Josef and evritin dey betta for am, even as e dey for en Egypt oga house.

Jenesis 39:3

En oga kon si sey God dey with am and God dey make evritin wey Josef do, betta.

1 Kings 8:56

“Make wi praiz God wey don give en pipol peace, just as E sey E go do. E don do all di tins wey E promise Moses en savant.

2 Kings 10:10

So dis show sey evritin wey God tok about Ahab and en family, must happen. God don do wetin E tok thru en savant, Elijah.”

2 Kings 15:12

Di way wey dem take kill-am kon make wetin God tok happen wen E tell Jehu sey, “Na four generashon for yor shidren go rule Israel.” And dat na wetin happen.

2 Kings 22:16

“I won kause wahala for dis place and for doz wey dey stay here. Wetin I go do, dey for di book wey Judah king don read.

Isaya 43:2

Wen una dey pass thru deep wota, I go dey with una. Una go fit handle any wahala wey kom una way. Wen una pass thru fire, e nor go burn una. Di temptashon wey go kom, nor go too hard for una.

Isaya 44:26

But wen my savant tok wetin go happen; wen I send my messenjas go tell una wetin I plan, I dey make doz plans, happen. I tell Jerusalem sey pipol go stay for der again and dem go ribuild Judah town. Even doh dem skata am before, I go raiz am up again.

Isaya 55:11

Na so e bi too with di word wey I dey tok; e go must do wetin I plan for am. E go must do evritin wey I send am make e kom do.

Matiu 1:23

“Si! Di woman wey neva sleep with man before go get belle and e go born boy and dem go koll am, ‘Emmanuel’ wey mean, ‘God dey with us.’ ”

Luke 1:28

Di angel kon tell am, “I salot yu o-o! Yu wey God don favor, bikos E dey with yu.”

Luke 1:80

Di pikin kon dey grow and strong for spirit. E stay for wildaness until di day wen God show am to Israel pipol.

Luke 2:40

Di pikin kon grow, dey strong, e get sense and God favor, dey with am.

Luke 2:52

Jesus kon dey get sense more-more as e dey grow, so God and pipol like am well-well.

2 Korintians 13:11

Finally my brodas and sistas, make una use happiness dey do tins as dem suppose bi. Make una take heart, dey greet each oda and live togeda for peace and di God wey get love and peace, go dey with una.

2 Korintians 13:14

Make di grace wey awa Oga God Jesus Christ give us and di love wey God get for us, plus di Holy Spirit fellowship, dey with una.

Deutronomi 18:22

Wen any profet dey tok with God name and wetin e tok nor kon happen at-all, una go know sey nor bi God send am, but di profet just dey tok on en own, so make una nor listin, bilive or fear am.”

2 Timoti 4:22

Make Christ dey with yor spirit. Make God grace and favor dey with yu.

Joshua 21:45

So, God do evritin wey E promise Israel pipol.

Judges 13:24

So wen di woman born, e kon koll di pikin, “Samson.” Di pikin grow well and God kon bless am.

1 Samuel 10:7

Wen dis signs don happen, make yu do anytin wey yu fit do, bikos God go dey with yu.

1 Samuel 12:2

Naw, make una listin! Na dis king go lead una. I don old and get white hair full body, but my sons dey with una. I don dey lead una since wen I yong kon rish today.

1 Samuel 16:18

One of en savant kon sey, “I don si one of Jesse pikin wey dey Betlehem wey know how to play di jita. E dey strong and e get mind; e know book and e fine well-well, bikos God dey with am.”

1 Samuel 18:12

So Saul kon dey fear David, bikos God Spirit wey don komot from am, dey with David.

1 Samuel 18:14

David dey use sense take do evritin wey Saul send am, bikos God dey with am.

1 Samuel 18:5

Anytin wey Saul send David go do, e dey do am well with sense. So Saul kon make am oga ova di sojas. Dis tin kon make belle sweet di sojas and even Saul savants.

1 Samuel 2:21

So God really bless Hannah and e kon born three boys and two girls. Samuel grow for inside God house.

1 Samuel 2:26

So, Samuel kon dey grow and get favor from both God and pipol.

1 Samuel 9:6

But di savant ansa, “Si, one God savant dey dis town wey evribody dey respet. Evritin wey e tok really dey happen. So make wi go der, may bi e fit tell us wetin wi go do.”