1 Samuel 15:33 - Holy Bible Nigerian Pidgin English

³³ Samuel kon sey, “Just as yor swod kill pipol shidren kon make some wimen nor get pikin again, na so yor mama nor go ever get pikin again.” Den Samuel kut Agag to pieces for God present for Gilgal.

1 Samuel 15:33 ပူးပေါင်းရင်းမြစ်များ

Jenesis 9:6

“Na as God bi, dem make man, so anybody wey kill pesin, na so too anoda pesin go kill-am.

1 Kings 18:40

Profet Elijah tell dem, “Make una hold di Baal profets! Make una nor let any one eskape!” So dem hold di profets and Elijah karry dem go Kishon Valley kon kill dem for der.

Exodus 17:11

Anytime Moses karry en hand go up, Israel pipol go dey win, but wen e bring en hand kom down, Amalek pipol go dey win.

Exodus 21:24

na dat one bi eye-for-eye, tit-for-tit, hand-for-hand and leg-for-leg.

Isaya 34:6

Na dia blood and flesh full God swod like sey na lamb, goat or animal wey dem take do sakrifice. God go do dis sakrifice for Bozrah town and E go kill Edom pipol well-well for di land.

Jeremaya 18:21

But naw, make honga kill dia shidren and make dem die for war. Make di wimen luz dia husband and shidren; make diziz kill di men and make di yong men die for war.

Jeremaya 48:10

(Pesin wey nor do God work with all en heart, na curse go follow am and na di same curse go follow who nor bring en swod kom out to take kill!)

Hosea 6:5

Na dis make mi send my profet kom give una di judgement and distroshon message. Just as day dey break for morning, na so too, my judgement go kom meet una.

Nombas 14:45

Amalek and Kanaan pipol for der kon attack and porshu dem go rish Hormah.

Matiu 7:2

Bikos as una dey judge, na so God go take judge una. And as una dey do to oda pipol, na so dem go do una too.

James 2:13

Judgement nor get mesi for anybody wey nor dey mesi for odas, bikos mesi betta pass judgement.

Revelashon 16:6

Bikos dis pipol kill yor pipol and profets, so yu don give dem blood make dem drink, bikos na wetin good for dem bi dat!”

Revelashon 18:6

Make yu pay am as e take pay odas; pay am doubol for wetin e do. For di wine cup wey e mix, make yu mix doubol for am.

Judges 1:7

So Adoni-Bezek sey, “I don kut seventy kings hand and leg komot wons and I make dem chop food from under my tabol. But naw, God don pay mi back for wetin I do to dem.” So, dem karry am go Jerusalem and e die for der.

1 Samuel 10:8

“Yu go-go Gilgal before mi. I go kom meet yu for der kon offa ofrin and make peace ofrin for der. Yu go wait for seven days, until I go kom tell yu wetin yu go do.”

1 Samuel 15:32

Den Samuel sey, “Make una bring Amalek king, Agag, kom meet mi.” So dem bring Agag kom as e dey shake and e dey tink for en mind sey, “True-true, deat know sweet at-all!”