1 Samuel 15:23 - Holy Bible Nigerian Pidgin English

²³ Bikos to go against am, bi like wen pesin chop witch and to dey show sturbon head, bi like wen yu dey woship juju. So bikos yu don rijet di word wey God tell yu, en ensef don rijet yu as king.”

1 Samuel 15:23 ပူးပေါင်းရင်းမြစ်များ

Jenesis 31:19

As Laban go kare for en sheep, Rashel kon tif en papa gods for di house.

Jenesis 31:34

Naw, Rashel don take di gods kon put dem for kamel den e sidan put. Laban look evriwhere for di tent, but e nor si dem.

2 Samuel 12:9

Wetin kon make yu disobey my kommand? Why yu do dis wiked tin? Yu kill Uriaya for war; yu allow Ammon sojas kill-am, den yu kon take en wife!

2 Samuel 7:15

I nor go take my love and favor from am just as I take am from Saul, wey I remove so dat David go bi king.

1 Kronikles 10:13

Saul die bikos e nor respet or obey God kommand. E go meet spirit make e help am

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

Job 34:37

E don add trobol join e sins, bikos for awa front, e dey klap en hand and dey akuiz God.”

Psalms 107:11

bikos dem go against God word, dem nor gri listin to wetin di Most High God tok

Exodus 22:18

“Make una nor allow witch live.

Isaya 19:3

I go distroy Egypt pipol with fear kon make dia plans yuzles. Dem go-go meet dia juju for help kon tell doz wey don die make dem advise and ansa dem.

Isaya 8:19

But pipol go tell una make una go meet doz wey dey si vishon, so dat dem go give una message and afta dem don tok anyhow, dem go sey, “Make una go meet dead body spirits, so dat dem go help una.”

Jeremaya 16:12

And naw, una sin even worse pass dia own. All of una sturbon, wiked and nor dey obey mi.

Jeremaya 28:16

So before dis year go end, God go kill yu by ensef, bikos yu don make di pipol dey tok against God.”

Jeremaya 29:32

Bikos e sey make my pipol go against mi, I go kill all en shidren-shidren and e nor go dey alive to si all di good tins wey I go do for my pipol. Mi, wey bi God, don tok.”

Hosea 13:11

Na mi vex give una kings and I still vex take dem komot.

Hosea 3:4

Dis tin show sey na so too Israel pipol go dey: dem nor go get king or leader; dem nor go do sakrifice or serve stone again and dem nor go get juju or image wey dem go use take konsult dia gods.

Levitikus 20:27

“ ‘Man or woman wey dey woship dead body spirit, dem must kill dem. Dem must stone dem die and anybody wey do dis tin go sofa di ponishment for en sin.’ ”

Levitikus 20:6

“ ‘Di pesin wey dey go meet dead body spirit for advise, I go turn against am kon remove am from my pipol.

Nombas 14:9

Make una nor dey sturbon to God and make una nor fear di pipol wey dey di land, bikos dem bi like bread to us. God dey with us and E don defeat di gods wey dey protet dem; so make una nor fear.”

Acts 13:22

Afta God remove am, E kon make David dia king. Na dis man God tok about sey, ‘I don si David, Jesse pikin, di man wey I like well-well and e go do evritin wey I wont.’

2 Korintians 6:16

Wish kind business God Temple and juju get? Bikos wi bi God Temple, just as God sey, “I go stay inside dem and waka among dem, den, I go bi dia God and dem go bi my pipol.”

Galatians 5:20

to dey serve juju; dey do majik; kworel-kworel life; fighty-fighty; jealousy; anyhow vexnashon; long-trot; tins wey dey skata pipol;

Deutronomi 9:24

Una don dey sin against di Oga una God rite from di first day wey I know una!

Deutronomi 9:7

Make una remember and nor ever forget how una make di Oga una God vex for di wildaness. From di day wey una komot Egypt kon rish naw, una dey always sin against God.

Joshua 22:15

Dem kon go Gilead land go meet Reuben tribe, Gad tribe and half of Manasseh tribe kon tell dem:

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”

Revelashon 22:15

Pipol wey dey do like dogs, doz wey dey do majik and kill odas; doz wey dey serve juju and dey like to lie, all of dem nor go enter di town.

1 Samuel 13:14

But naw, yor kingdom go end. Bikos yu nor obey am; God go fine di kind pesin wey E wont kon make am king wey go rule en pipol.”

1 Samuel 16:1

God tell Samuel, “Na how long yu won to dey sorry for Saul? I don rijet am as Israel king. So put olive oil for yor horn make yu dey go. I dey send yu go meet Jesse for Betlehem, bikos I don choose my king from among en sons.”

1 Samuel 2:30

“So, di Oga wey bi Israel God sey, ‘Aldo I tok sey yor house and yor grand-grand papa house go serve mi forever, but e nor go happen again! Bikos I go honor doz wey honor mi, but doz wey nor gri do wetin I tok, I go curse dem!

1 Samuel 28:3

Naw, Samuel don die and evribody for Israel dey mourn. Dem beri am for en town for Rama. For dis time, Saul don porshu all di majik pipol and doz wey dey si vishon komot di town.