1 Samuel 15:19 - Holy Bible Nigerian Pidgin English

¹⁹ But, wetin make yu nor obey God? Wetin make yu pak some tins kom? Naw make yu know sey yu nor obey God and E dey vex for yu.”

1 Samuel 15:19 ပူးပေါင်းရင်းမြစ်များ

2 Samuel 12:9

Wetin kon make yu disobey my kommand? Why yu do dis wiked tin? Yu kill Uriaya for war; yu allow Ammon sojas kill-am, den yu kon take en wife!

2 Kronikles 33:2

E sin like di oda kings and nashons wey God porshu komot di land for Israel pipol.

2 Kronikles 33:6

E sakrifice en sons for fire for Ben-Hinnom Valley kon dey do juju and many bad-bad tins. E dig one pit and for der, doz wey don die, dem dey koll dia spirit kom back to life. E put majishan make dem dey supavise am. E do many wiked and bad tins wey make God vex.

2 Kronikles 36:12

E do wiked and bad tins for God eyes. E nor honbol ensef to Profet Jeremaya wey bi God savant.

Proverbs 15:27

Long-trot dey kill pesin family finish, but doz wey hate bribe, go get long life.

Jeremaya 7:11

God sey, Una tink sey my temple na where tif dey hide put? Make una know sey I don si wetin una dey do.

Nombas 14:41

But Moses ansa dem, “Den why una kon dey disobey God? Una nor go fit win!

2 Timoti 4:10

Bikos Demas love dis world tins, e kon run leave mi go Tesalonika. Crescens don go Galatia and Titus go Dalmatia.

1 Samuel 14:32

So di sojas kon rush with honga, bigin kill both sheep, kattle and melu. Dem kill dem kon chop di animal, di blood and evritin.

1 Samuel 15:20

Den Saul tell Samuel, “But I don obey God! I go as E send mi. I bring Amalek king, Agag kom back, afta I don kill all of dem finish.