1 Samuel 15:11 - Holy Bible Nigerian Pidgin English

¹¹ “I dey regret sey I make Saul king, bikos e don turn from mi and e nor do wetin I sey make e do.” Samuel kon vex well-well and e pray to God till day break.

1 Samuel 15:11 ပူးပေါင်းရင်းမြစ်များ

Jenesis 6:6

Oga God regret sey E make human being for dis eart and E kon dey vex.

Jenesis 6:7

So Oga God sey, “I go distroy human being wey I kreate komot for dis eart; plus evritin, from human being go rish animals, join di ones wey dey creep for groun and di birds for di sky, bikos I dey vex sey I kreate dem.”

2 Samuel 24:16

Wen Oga God angel won distroy Jerusalem, God kon shange en mind sey E nor go ponish di pipol again, so E tell di angel wey dey kill dem, “Make yu stop! E don do!” Dat time, di angel dey Araunah wey bi Jebus pesin farm.

1 Kings 11:9

Even doh di Oga wey bi God for Israel don appear to Solomon two times sey, “Make e stop to dey woship oda gods,”

1 Kronikles 10:13

Saul die bikos e nor respet or obey God kommand. E go meet spirit make e help am

1 Kronikles 21:15

God send angel go distroy Jerusalem. Leta, E shange en mind kon tell di angel, “Make yu stop! Di one wey yu do, don rish!” Di angel stand near Araunah wey kom from Jebus, farm.

Job 34:27

bikos dem don stop to follow en laws and kommand.

Psalms 109:4

I love dem, but dem dey try to distroy mi. Even doh I dey pray for dem, yet dem still dey lie for my head!

Psalms 110:4

God don promise and E nor go break di vow wen E make sey: “Yu bi priest forever like Melkizedek.”

Psalms 119:136

I dey kry like river wey dey flow, bikos pipol nor gri obey yor kommands.

Psalms 125:5

but make Yu ponish pipol wey dey do bad tins. Ponish dem with all di oda wiked pipol. Make peace always dey Israel land!

Psalms 36:3

Evritin wey dem tok na lie and dem dey deceive pipol. Dem nor dey ever gri do good tins.

Psalms 78:41

Dem always dey test and shalenge God. Dem dey make di Holy One for Israel dey vex.

Psalms 78:57

Dem turn back and dem nor kon get faith like dia papa and mama. Yu nor fit put hope on dem, bikos dem bi like bow wey don spoil.

Exodus 32:11

But Moses beg God kon sey, “My Oga! Why Yu dey vex with yor pipol wey Yu take komot from Egypt with great pawa and mighty hand?

Exodus 32:14

God shange en mind, so E nor kon ponish en pipol again.

Jeremaya 11:10

Dem don kontinue di wiked tins wey dia grand-grand papa dem do before, wey make dem nor obey my kommand. Demsef don dey woship oda gods. Both Israel and Judah pipol don break di kovenant wey I make with dia grand-grand papa.

Jeremaya 13:17

But as una nor gri listin, I dey kry for sekret, bikos of una pride; I go kry well-well till I nor fit kry again, bikos dem don karry God pipol go as slave.”

Jeremaya 34:16

But naw, una don shange again and una nor gri respet mi. All of una don take di slave wey una don free before back kon force dem to serve una again.

Jeremaya 9:1

I wish sey my head bi like well wey wota full and my eyes bi like fountain where wota for dey rush kom out, den I go kry well-well both day and nite for my pipol wey dem kill.

Jeremaya 9:18

So I sey, “Yes! Make dem kwik kom sing beri song for us, so dat wi go kry and mourn well-well.

Ezekiel 18:24

“But if one good man stop to do good kon dey do bad and wiked tins wey bad pipol dey do, yu tink sey e go live? No! Dem nor go remember any good tin wey e do. E go die, bikos e nor gri obey my law and e dey sin.

Amos 7:3

So God shange en mind kon sey, “Wetin yu si, nor go happen again.”

Jonah 3:10

So wen God si wetin dem dey do: sey dem don really turn kom meet am, E kon shange en mind and E nor ponish dem again, just as E bin won do.

Jonah 4:2

Den e kon dey komplain to God, “My God, before I komot from my kountry, I know sey dis na wetin Yu go do? Na dis tin make mi try to run go Tarshish! I know sey Yu dey sorry and kare for pipol and Yu get patient, dey kind and instead of Yu to ponish pipol, Yu always dey ready to forgive dem.

Zefanaya 1:6

I go distroy doz wey bin dey woship mi, but nor dey woship mi again. Dem nor dey ask make God guide or bless dem again.”

Matiu 24:13

But God go save di pesin wey go bear go rish end.

Matiu 5:44

But I tell una naw sey, ‘Make una love una enemies and pray for pipol wey dey sofa una’,

Luke 6:12

Jesus go mountin go pray and e dey der dey pray to God till day break.

Hibru 10:38

My raitious pipol go live and bilive, but if anybody turn back, I nor go dey happy with am.”

Joshua 22:16

“Evribody for Israel wey bi God own sey make wi ask una, ‘Wetin make una disobey Israel God as una don turn from am.

1 Samuel 12:23

As for mi, God forbid sey I nor go dey pray for una again, bikos dat na sin. I go tell una di tin wey dey good and wey dey make belle sweet God.

1 Samuel 13:13

Den Samuel tell Saul, “Na foolish tin yu don do so o-o! Yu nor obey di kommandment wey di Oga yor God give yu. If to sey yu obey, God for make yu king for Israel forever.

1 Samuel 15:10

Den God tell Samuel,

1 Samuel 15:3

So make yu go kill Amalek pipol. Yu go distroy evritin wey dem get. Nor leave anybody or anytin. Kill evribody both man, woman, yong pikin, melu, sheep, kamel and donkey.’ ”

1 Samuel 15:35

Until di day wen Samuel die, Saul nor si am again. Samuel really sorry for Saul, but God regret sey E make Saul king ova Israel, en pipol.

1 Samuel 15:9

Saul and en sojas nor kill king Agag and dem nor distroy di betta tins and animals. Dem nor kill all di animals, but dem kill and distroy di tins wey nor good for di town.

1 Samuel 16:1

God tell Samuel, “Na how long yu won to dey sorry for Saul? I don rijet am as Israel king. So put olive oil for yor horn make yu dey go. I dey send yu go meet Jesse for Betlehem, bikos I don choose my king from among en sons.”

1 Samuel 8:6

But Samuel nor like wetin dem ask for, bikos dem sey, “Give us king wey go lead us.” So Samuel kon pray to God.