1 Samuel 14:44 - Holy Bible Nigerian Pidgin English

⁴⁴ Saul kon sey, “Make God ponish mi well-well, if I nor kill Jonatan!”

1 Samuel 14:44 ပူးပေါင်းရင်းမြစ်များ

Jenesis 38:24

Afta three monts, dem kon tell Judah sey, “Yor pikin wife Tamar don turn to ashawo and e don get belle.” Judah kon sey, “Make una go bring Tamar kom make dem burn am!”

2 Samuel 12:31

David use di town pipol take work well-well with saw, iron hoes and axe, den e force dem make bricks. Na so e do give di pipol wey dey di oda towns for Ammon. Den en and en men kon go back to Jerusalem.

2 Samuel 12:5

David vex for di rish man well-well kon sey, “I swear with God name, di man wey do dis tin, must die!

2 Samuel 19:13

David still tell dem make dem tell Amasa, “Una bi my own relashon, from today go, I dey put yu for Joab place make yu rule my sojas. Make God ponish mi if I nor do wetin I tok!”

2 Samuel 3:9

Make God ponish mi Abner, If I nor help David get wetin Oga God don promise am.

Proverbs 25:16

Nor chop honey too mush bikos e sweet, so dat yu nor go vomit, bikos yu too chop am.

Judges 11:35

Wen e si am, e vex kon tear en klot. E kry kon shaut, “Oh my dota! Yu don distroy mi! Yu don kause wahala for mi! I don make vow give God and I nor go fit take am back.”

Rut 1:17

Where yu for die, I go die for der too and na der dem go beri mi put. Make God ponish mi well-well if I nor do wetin I promise! Na only deat go fit separate mi from yu!”

1 Samuel 14:39

Bikos as long as God wey save Israel dey alive, even if na Jonatan my pikin kause am, e must die today!” But nobody for di sojas tok anytin.

1 Samuel 25:22

Make God ponish mi if by tumoro one of en family still dey alive!”

1 Samuel 3:17

Eli ask am, “Na wetin God tell yu? Nor hide am from mi, if not God go ponish yu well-well!”