1 Samuel 12:20 - Holy Bible Nigerian Pidgin English

²⁰ Den Samuel tell di pipol, “Make una nor fear. True-true, una don sin. But make una nor turn from God. Make una serve God with all una heart.

1 Samuel 12:20 ပူးပေါင်းရင်းမြစ်များ

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

Psalms 101:3

I nor go even tink to do bad tin and I nor go join pipol do bad tins.

Psalms 125:5

but make Yu ponish pipol wey dey do bad tins. Ponish dem with all di oda wiked pipol. Make peace always dey Israel land!

Psalms 40:4

Make una si as pipol wey trust God dey happy; doz wey nor like proud pipol or woship juju.

Exodus 23:25

“If una serve di Oga una God, E go bless una bread and wota kon remove all una sickness.

Exodus 32:30

Di next day, Moses tell di pipol, “Una don kommit sirious sin; but naw, I go-go meet God, may bi E go fit forgive una.”

Jeremaya 3:1

God sey, “If man drive en wife and di woman go marry anoda man, di man go fit go marry di woman again? Dat kind tin go make di land dirty. But Israel pipol, una bi ashawo wey get many husband and naw, una won turn back kom meet mi.

Haggai 2:5

My Spirit still dey with una, just as I promise wen una dey kom out from Egypt, so make una nor fear.

Deutronomi 10:12

Naw, Israel pipol, wetin di Oga una God wont from unasef? E wont make una dey fear am kon dey live di kind life wey E wont make una live. E wont make una love, respet and serve am with all una soul and heart.

Deutronomi 11:16

But make una dey kareful. Make una nor let anybody deceive una, so dat una nor go turn from God kon dey serve and woship oda gods.

Deutronomi 31:29

Bikos I know sey wen I don die, una go spoil unasef kon turn from dis way wey I kommand una. Wahala go kom meet una dat time, bikos una don do bad tins wey go make God vex.”

Joshua 23:6

“Make una dey strong! Make una dey obey evritin wey dem rite for Moses book with kare, so dat una nor go fall go left or rite,

1 Pita 3:16

But make una do am with gentolness and respet, dey make sure sey una mind klean, so dat pipol wey dey tok bad about di good tins wey una dey do for Christ, go shame for di bad wey dem dey tok.

1 Samuel 12:19

Dem kon tell Samuel, “Make yu help us pray to God, so dat all of us nor go die, bikos wi don add join awa sins, wen wi ask for king.”