1 Samuel 1:15 - Holy Bible Nigerian Pidgin English

¹⁵ But Hannah ansa, “My oga! Nor bi as yu tink am! My mind nor setol at-all. I nor drink as yu dey tink o-o. I just dey tell God evritin wey dey my heart.

1 Samuel 1:15 ပူးပေါင်းရင်းမြစ်များ

Job 30:16

“I won die naw; bikos na so-so pains full my days.

Psalms 143:6

I lift my hands and pray to Yu. Just as dry land dey hongry for rain, na so too I dey hongry to si Yu.

Psalms 42:4

I start to kry wen I remember as tins bi before! Den I dey waka with doz wey dey woship God; dey lead many pipol go God house and wi dey happy as wi dey sing and dey tank am as wi dey celebrate!

Psalms 62:8

My pipol, make una always dey trust God, bikos na en dey guide us.

Psalms 62:9

Human being bi like ordinary dirty wey breeze dey blow and pipol wey feel sey dem strong, nor get pawa at-all. If yu go measure dem for skale, all of dem togeda nor heavy rish air.

Proverbs 14:10

As yu dey happy wen good tin happen to yu, na so too e go bi wen pain kom. Nobody go fit share dem with yu.

Proverbs 15:1

Good ansa dey end vexnashon, but yeye words dey kause kworel between pipol.

Proverbs 25:15

Na patient and gentol tok, pesin dey take beg kings and na sweet mout dey setol sirious wahala.

Lamentashons 2:19

Wake-up for nite, make yu kry. Pour all yor heart like wota before God! Raiz yor hand as yu dey pray to am and dey beg for yor shidren wey dey faint, bikos honga won kill dem.

1 Samuel 1:16

Nor tink sey yor savant dey wiked, bikos I just dey pray since bikos my heart dey heavy.”

1 Samuel 7:6

Afta dem don gada for Mizpa, dem kon draw wota pour put for God front. Dem nor chop for dat day and dem kon konfess all dia sins for der dey sey, “Wi know sey wi don sin against God.” So Samuel pray for Israel pipol for Mizpa.