1 Pita 5:9 - Holy Bible Nigerian Pidgin English

⁹ Make una nor gi-am shance, but make una faith strong, bikos una know sey na di same tin una brodas and sistas for evriwhere for dis world, dey sofa.

1 Pita 5:9 ပူးပေါင်းရင်းမြစ်များ

Luke 22:32

But Simon, I don pray for yu make yor faith nor for fail. Wen yu don turn back kom meet God, make yu help yor brodas too.”

John 16:33

“I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

Acts 14:22

Dem enkourage di disciples sey make dem get heart and make dem kontinue to dey bilive sey, “Wi go must sofa well-well for pipol hand, before wi go fit enter God Kingdom.”

1 Korintians 10:13

E nor get anytin wey dey happen to una naw, wey neva happen to odas before, but God dey keep en promise and E nor go allow una pass thru wetin una nor go fit bear.

Efesians 4:27

Make una nor give di devil any shance.

Efesians 6:16

and with all dis, make una karry faith wey go help una kwensh all di wiked arrows wey Satan dey trow.

Kolossians 2:5

And even if I nor dey der with una, my spirit dey der and I dey happy sey una mind nor dey shange and una faith for Christ, still strong well-well.

1 Tesalonians 3:3

so dat nobody among una go dey fear, bikos of all dis sofa. Unasef know sey all wetin dey happen, na as God plan am.

1 Timoti 6:12

Make yu fight di fight wey dey make faith strong and whole di life wey nor dey end, wey go make pipol praiz God, bikos na dis make am koll yu.

2 Timoti 3:12

True-true, anybody wey won live di kind life wey God wont inside Christ, make e know sey e must sofa.

2 Timoti 4:7

I don fight di good fight for di faith wey I get; I don run di race finish; I don do wetin I promise sey I go do.

Hibru 11:33

na faith dem take win kingdoms; do wetin good for God eye; kon get di tins wey God promise dem; klose lion mout;

Hibru 12:8

But if God nor ponish yu as e dey ponish all en shidren, dat mean sey yu nor bi betta pikin and yu nor get papa.

James 4:7

So, make yu give yorsef to God. But rijet di devil and e go run komot from where yu dey.

1 Pita 1:6

Aldo una go sofa small, but dis joy go bring happiness for una.

1 Pita 2:21

bikos na wetin E koll yu to do, bi dat. Christ sofa as ezample wey una go follow

1 Pita 3:14

But if yu sofa bikos yu dey do good, make yu nor fear doz wiked pipol, bikos God don bless yu bi dat.

1 Pita 4:13

Instead, make una dey happy as una dey sofa for Christ, so dat wen God go show una en glory, belle go sweet una.

Revelashon 1:9

Mi John, I bi una broda and I dey follow una share from di trobol bikos of di kingdom and dey bear di sofa wey dey inside Jesus. Dem porshu mi go Patmos Island, bikos I dey prish God word and tok about Jesus Christ.

Revelashon 6:11

Den dem give each of dem long white klot kon sey, make una rest small until di oda savants and una brodas for Christ wey wiked pipol go kill, don komplete.

Revelashon 7:14

I kon ansa, “My oga, na yu know di ansa.” Den e sey, “Dis pipol die bikos of Christ. Dem don use di Lamb blood take wosh dia klot, naim make am white like dat!