1 Pita 5:4 - Holy Bible Nigerian Pidgin English

⁴ So wen di big shepad, Jesus Christ go kom, e go give una crown wey en glory nor go ever fade.

1 Pita 5:4 ပူးပေါင်းရင်းမြစ်များ

Psalms 23:1

Just as shepad dey guide en sheep, na so too God dey guide and provide for mi; so hongry nor go kill mi.

Isaya 40:11

E go kare for en animals just as shepad dey do. E go gada di lamb togeda kon karry dem for en hand; E go lead and guide dem.

Ezekiel 34:23

“I go give dem king wey bi like my savant David, wey go bi dia shepad and e go kare for dem.

Ezekiel 37:24

“Na from my savant David house, dia king go from kom. All of dem go dey happy under one king and dem go obey and respet all my laws.

Daniel 12:3

But wise pipol go shine like lite for di sky. Doz wey tish pipol di rite tin, go shine like star forever and ever.

Zekaraya 13:7

God wey dey mighty sey, “Swod! Make yu go attack and kill di shepad wey dey work for mi, den all di sheep go skata. I go attack my pipol

John 10:11

“Na mi bi di good shepad. Di good shepad ready to die for di sheep.

1 Korintians 9:25

Pipol wey dey run, dey train well-well, so dat dem go win crown wey nor dey last, but wi dey run for crown wey go last forever.

2 Timoti 4:8

Naw, di prize for raitiousness dey wait mi and na God wey dey judge rite go give mi dis prize for di day wen Christ go kom. Di prize nor bi for mi alone, but na for evribody wey dey wait for Christ to kom back.

Hibru 13:20

God wey get peace, di Pesin wey use di everlastin kovenant blood bring awa Oga God Jesus Christ kom back from deat; awa Oga God wey dey look di sheep,

James 1:12

Di pesin wey fit bear wen problem kom meet am, make e happy, bikos e don show sey en faith strong and e go get di crown wey get life, wey God don promise sey E go give pipol wey love am.

1 Pita 1:4

Dem born us put for inheritance wey nor dey spoil, dirty or fade. God keep di inheritance for heaven for us

1 Pita 2:25

Before-before, una waka komot for di rite road like sheep wey lost, but naw, una don turn back go meet di Shepad and Pesin wey dey guide una soul.

1 Pita 5:2

Make una kare for di sheep wey God give una whole, just as shepad dey kare for dia sheep. Make e nor bi like sey dem force una do am, but na as God wont am. Una nor dey do am bikos of money, but na bikos una won do am.

1 John 3:2

My friends, wi bi God shidren naw and wi neva know as wi go bi wen Christ go kom back. But wi know sey wi go bi like am, bikos wi go si am just as E bi.

Revelashon 1:7

(Make una look! E dey kom back inside di kloud and evry eye go si am. Even doz wey shuk am and all di tribes wey dey dis eart, go kry bikos of am. Dis tins go really happen! Amen.)

Revelashon 2:10

Make yu nor fear di tins wey yu go soon sofa. Devil go trow some of una inside prison, so dat e go test una. Yu go sofa for ten days. But make yu nor live mi, even if e mean sey yu go die. Bikos I go give yu di crown wey bi life.

Revelashon 3:11

I go soon kom. Make yu whole wetin yu get well-well, so dat nobody go take yor crown from yu.