1 Pita 5:3 - Holy Bible Nigerian Pidgin English

³ And make una nor dey opress God pipol wey dey under una, instead make una bi ezample to dem.

1 Pita 5:3 ပူးပေါင်းရင်းမြစ်များ

Psalms 33:12

Si as blessing full di nashon wey God bi dia God, bikos God don take dem as en own.

Psalms 74:2

Make Yu remember sey na wi bi di pipol wey Yu choose since Yu kreate di world; di tribe wey Yu take as yor own! Make Yu still remember Jerusalem where Yu dey stay.

Ezekiel 34:4

Una nor gri kare for di ones wey dey weak; heal di ones wey dey sick; bandage di sore wey some get; go find di ones wey waka anyhow or look for di ones wey lost. Instead, una dey trit dem with wikedness.

Mikah 7:14

Naw, my God, make Yu protet yor pipol with yor shepad stik. Make Yu lead yor pipol wey dey special for yor eye. Even doh dem dey stay alone for bush, make yu let dem chop betta food wey dey Bashan and Gilead, just as dem dey do before.

Nombas 18:7

But na yu and yor sons go do di priest work, evritin wey dey di altar and di Holy Place. And yu must work, bikos I don give yu di gift to bi priest and anybody wey I nor choose, if e kom near di holy tin, dem must kill-am.”

John 13:15

I don give una ezample wey una go follow. So make una do for each oda as I don do for una.

Acts 20:28

Make una take kare of unasef and all di pipol wey di Holy Spirit don put under una, bikos na una bi di leaders for God church wey E buy with en only pikin blood.

1 Korintians 11:11

As wi dey serve Christ, di woman and di man, dey togeda for Christ body.

1 Korintians 3:5

Mi and Apollos na God savant and E use us take prish to una make una for fit bilive, so mi and am dey do di work wey God sey make wi do.

1 Korintians 3:9

All of us na ko-workers for God and na una bi God farm and en buildings.

2 Korintians 1:24

Wi nor dey try to force una to bilive us; wi know sey una faith strong well-well. But wi dey work with una so dat una go dey happy well-well.

2 Korintians 4:5

Wi nor dey tok about awasef, but wi dey prish sey, na Jesus Christ bi Oga God and wi bi una slave, bikos of am.

Deutronomi 32:9

Na God get di pipol for Israel; na Jakob bi en special propaty.

Filippians 3:17

My brodas and sistas, make una dey live like mi and dey learn from odas wey dey follow us as ezample.

Filippians 4:9

So anytin wey una learn, hear and si mi dey do, make una dey do dem too. And di God wey dey give us peace, go dey with una.

1 Tesalonians 1:7

So una bi ezample to all di pipol wey bilive Jesus for both Masidonia and Akaia.

2 Tesalonians 3:9

Nor bi sey wi nor get rite to ask una, but wi won use awasef as ezample for una,

1 Timoti 4:12

Nor let anybody opress yu bikos of yor age; but make yu show ezample to doz wey bilive thru yor word, karata, love, faith and as yu pure rish.

Titus 2:7

and make yu yorsef bi good ezample to dem. Make evritin wey yu dey do, show sey wetin yu dey tish, na trut.

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.