1 Pita 4:11 - Holy Bible Nigerian Pidgin English

¹¹ Pesin wey dey prish; make e prish God word well. Pesin wey dey help odas, make e do am with di pawa wey God gi-am, so dat for evritin, God go get glory thru Jesus Christ. Make all glory and pawa bi Christ own forever and ever. Amen!

1 Pita 4:11 ပူးပေါင်းရင်းမြစ်များ

Psalms 145:13

bikos yor kingdom go dey forever and ever. Yu dey rule from one generashon go rish anoda.

Isaya 8:20

Den make una remember God kommand and evritin wey di profets sey go happen. True-true, all di pipol wey dey si vishon, dey tok all dis tins, bikos dia mind dey dark.

Jeremaya 23:22

How I wish dem know wetin I dey tink for my mind, den dem for fit prish my message give my pipol, so dat dem go stop di kind life wey dem dey live and di bad-bad tins wey dem dey do.

Daniel 4:3

“Di sign dem wey E show us dey great well-well! Even en wonders dey mighty! God kingdom go dey forever and en pawa go last from awa generashon go rish di next one.”

Daniel 4:34

But wen di seven years don pass, mi, Nebukadnezzar kon look heaven and my sense kom back to mi. I praiz di Most High God kon give honor and glory to di Pesin wey dey live forever and en kingdom go last forever.

Daniel 7:14

Dem gi-am authority, honor and pawa to rule. Evribody, nashon and pipol from difren tribe, go serve am. En pawa go last forever and nobody go fit distroy en kingdom.

Matiu 6:13

Nor allow us enter temptashon, but make yu save us from bad tins.’

John 13:31

Wen e don komot, Jesus kon sey, “Naw, di time don rish wen God go honor en pikin and en pikin go honor am too.

Acts 7:38

Na dis same man dey with di pipol for wildaness; with di angel wey tok to am for Mount Sinai; with awa grand-grand papa dem and e kon receive God word for una.

Romans 11:36

Bikos na God kreate evritin and na thru am evritin dey. Make praiz bi en own forever and ever! Amen.

Romans 12:3

By di grace wey God give mi, I dey tell all of una, make una nor tink sey una too dey important. Instead, make una use good sense tink and undastand di faith wey God give una.

Romans 16:27

Naw, wi dey praiz di only God wey dey wise forever, bikos of Jesus Christ! Amen.

Romans 3:2

E really dey good to sekonsaiz pesin! And wi know sey na Jew pipol God first give en message.

1 Korintians 10:31

But anytin wey una dey do, weda una dey chop or drink, make una do am to honor God.

1 Korintians 12:4

Na many spiritual gifts God dey give pipol, but all of dem na from di same Spirit.

1 Korintians 3:10

Na God grace make mi sabi build well-well. I lay foundashon wey anoda pesin build put. But make wi take kare as wi dey build,

1 Korintians 6:20

God don pay betta prize for una, so make una honor am with una body.

2 Korintians 2:17

Wi nor bi like odas wey dey do God word like sey na sometin wey dem fit sell; but bikos na God send us kom, wi dey tok di trut for en present, as Christ savant.

2 Korintians 9:13

Bikos of una work, pipol go praiz God, bikos una dey obey Christ word wey una bilive and una dey share evritin wey una get with good mind.

Efesians 1:19

Una don si how en pawa big rish, bikos una bilive am. Dis na di pawa wey dey do big-big tins for us.

Efesians 4:29

Make una nor allow any bad word kom out from una mout, but make una word dey give poor pipol hope, so dat e go bless pipol wey hear am.

Efesians 5:20

With awa Oga God Jesus Christ name, make una dey tank God awa papa for each oda.

Efesians 6:10

Finally, make una dey strong with Christ mighty pawa.

Filippians 1:11

Make di work wey Christ do for us and how to please God, full una mind. Den all di glory and praiz go bi God own.

Filippians 2:11

and evry tongue go konfess sey, “Na Jesus Christ bi di Oga God.” Den all di glory go bi God own.

Kolossians 4:6

Make all of una word dey good and sweet like wetin dem put sugar, so dat una go know how to ansa evribody.

1 Tesalonians 2:4

but na God choose us to prish di gospel and na so wi dey prish am. Wi nor dey do am make pipol for praiz us, but make God wey dey si awa heart, praiz us by ensef.

1 Timoti 1:17

Make all di honor and glory bi God own forever and ever! Na-im bi di King wey nor dey die, di One wey nobody dey si and na only en bi God. Amen!

1 Timoti 6:16

Dis God nor fit die and E dey stay for lite wey nobody fit waka near. Lite wey human being neva fit si. Make all honor and pawa bi en own forever and ever. Amen!

Titus 2:1

But for yu Titus, yu must tish pipol how to bihave well.

Titus 2:15

Make yu tish dem dis tins and korrect dem with boldness. So, make yu nor let anybody trit yu like small pikin.

Hibru 13:7

Make una remember una leaders wey tish una God word; make una tink about di kind life wey dem dey live, den make una follow dia faith.

Hibru 5:12

E don tey wen una bi Christian, so by naw, una suppose to dey tish odas. Instead, una still wont make pesin kom tish una di first tin wey dey God word. Una still dey drink milk, instead of una to dey chop solid food.

James 1:19

My brodas and sistas, make una undastand dis tins: Make una dey listin well-well and nor dey kwik tok or vex.

James 1:26

If anybody tink sey en dey follow wetin wi dey tish and e nor fit kontrol en mout, dat pesin dey deceive ensef and en relijon nor mean anytin.

1 Pita 2:12

So make una dey live well among pipol wey nor bi Christian, so dat wen dem sey una do bad, dem go si di good tins wey una dey do and dem go praiz God wen E won judge di world.

1 Pita 2:5

So unasef too, don bi stone wey dey alive and God dey build una as en spiritual house, so dat una go bi priest wey dey holy and una go offa spiritual sakrifice wey E go asept thru Jesus Christ.

1 Pita 4:10

God don give evribody en own gift, so make una use di gift take help each oda as good savant wey get God grace.

1 Pita 4:16

But if yu sofa bikos yu bi Christian, make yu nor shame, but dey praiz God, bikos yu dey ansa Jesus name.

1 Pita 5:11

Make all pawa bi God own forever and ever. Amen!

Jude 1:25

Make all glory, majesty, pawa and authority, bi God own, naw and forever thru Christ wey bi awa Oga God. Amen!