1 Pita 3:8 - Holy Bible Nigerian Pidgin English

⁸ So, make una live for peace togeda, dey sorry for each oda; love one anoda and nor dey karry body up.

1 Pita 3:8 ပူးပေါင်းရင်းမြစ်များ

Psalms 103:13

Just as papa dey love and pity for en shidren, na so too, God dey good and dey sorry for doz wey dey fear am.

Proverbs 28:8

If yu get money from intrest wey yu dey kollect, bikos di pipol kon borrow from yu, one day, one pesin go kom kollect all yor propaty and e go sorry for poor pipol.

Zekaraya 7:9

“Oga God wey dey rule evritin sey, ‘Make una dey judge well, show kindness and sorry for odas.

Matiu 18:33

Wetin make yu nor sorry for anoda savant like yu, just as I sorry for yu?’

Luke 10:33

But one Samaria man wey dey travel for dat road kon rish where di man dey, as e si di man, e sorry for am.

Acts 2:1

Wen Pentekost Day rish, di disciples kon gada for one place.

Acts 27:3

Di next day, wi enter Sidon and Julius kon do good give Paul, e allow am go meet en friends make dem fit gi-am all di tins wey e nid.

Acts 28:7

Dat time for dat aria, Publius, wey bi di oga, get some land. E welkom us kon give us food for three days.

Acts 4:32

All di pipol wey bilive Jesus Christ kon dey do tins togeda with one mind and nobody sey e go use wetin e get for ensef alone, so dem kon dey share dia propaty togeda.

Romans 12:10

Make una love each oda like brodas and sistas and make una respet oda pipol pass unasef.

Romans 15:5

So, I pray sey, God wey dey give konfort and patient, go help una live for peace with one anoda as una dey follow Jesus Christ,

1 Korintians 1:10

My brodas and sistas, I dey beg una with awa Oga God Jesus Christ name sey, make una nor kworel, but make una get one mind for evritin wey una dey do.

1 Korintians 12:26

If one part dey sofa, di oda parts dey sofa too. But if dem praiz one part, di oda parts go dey happy.

Efesians 4:2

Make una dey get pity for one anoda with kwayetnes, gentolness and patient, bikos of di love wey una get.

Efesians 4:31

Una must stop to get bad belle; to dey vex; kworel and to dey tok bad-bad word.

Efesians 4:32

Make una dey good to one anoda; dey sorry for pipol and dey forgive each oda, just as God forgive una thru Christ.

Filippians 2:3

Make una nor dey karry body up, but make una trit each oda like unasef. Instead, una dey do wetin una like, bikos of di tins wey una go gain, so dat una go fit boast.

Filippians 3:16

So, make wi kontinue to follow di rules wey wi dey follow.

Kolossians 3:12

So, as pipol wey God don choose, wey holy and wey E love well-well, make una kwik dey sorry for pipol; dey gentol; nor dey karry body up and wear patient like klot for body.

Hibru 13:1

Make una dey love each oda like Christian brodas and sistas.

James 2:13

Judgement nor get mesi for anybody wey nor dey mesi for odas, bikos mesi betta pass judgement.

James 3:17

But God wisdom dey pure; e get peace; dey gentol; dey asept pipol and good fruit and mesi full am; e nor dey do wayo or pritend.

James 5:11

Make una tink of how wi dey look pipol wey get patient sey, God don bless dem. Una hear how Job get patient and how God bless am leta. God get mesi and E dey sorry for pesin well-well.

1 Pita 1:22

Una don klean una soul with di trut wey una dey obey and as brodas and sistas, make una love each oda well-well.

1 Pita 2:17

Make una respet evribody. Love dis awa family wey bilive Christ. Make una fear God and respet di king.

1 Pita 5:5

For di same way, make una wey yong put body down for di eldas. Make una nor dey karry body up for each oda, bikos God dey oppoz proud pipol, but E dey favor doz wey dey honbol.

2 Pita 1:7

and love una brodas and sistas without parsha.

1 John 3:14

Wi know sey wi don cross from deat enter life, bikos wi dey love and kare for awa brodas and sistas for Christ.