1 Pita 3:20 - Holy Bible Nigerian Pidgin English

²⁰ bikos dem nor do wetin God tok. God get patient for dem wen Noah dey build di ark, but na only di eight pipol wey dey inside di ark save from di wota.

1 Pita 3:20 ပူးပေါင်းရင်းမြစ်များ

Jenesis 6:13

So God kon tell Noah, “I don sey I go kill evritin wey dey dis eart, bikos bad tins full di eart bikos of dem. Naw I won distroy dem and di eart.

Jenesis 6:3

So Oga God kon sey, “My Spirit nor go fit stay with man again pass one hundred and twenty years, bikos dem bi ordinary human being.”

Jenesis 6:5

But di Oga God si as human being wikedness don strong for di eart. Evritin wey dem dey tink for dia mind, na how to do evil tins.

Jenesis 6:8

But di Oga God like Noah well-well, bikos e dey good for God eye.

Jenesis 7:13

For dat very day, Noah enter di boat with en sons Shem, Ham and Jafet, plus en wife and en shidren wife.

Jenesis 8:1

But God remember Noah and all di animals wey dey inside di boat. So E make one breeze blow for di eart, den di wota kon dey dry small-small.

Jenesis 8:18

Noah kom out with en sons, wife and en pikin wife dem.

Isaya 30:18

Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Matiu 7:14

But di gate wey pipol dey pass enter life, small well-well and e hard to enter and na only few pipol go fit si am.”

Luke 12:32

“Make una nor fear, una wey bi small sheep, bikos una Papa go happy to give una di kingdom.

Acts 2:41

So, dem baptize all of dem wey bilive wetin e prish and dem rish 3,000 pipol wey join dem dat day.

Romans 9:22

But God won show sey E dey vex, so E kon use en pawa against doz wey E won ponish.

Efesians 5:26

so dat e go fit make am klean, thru baptizim and God word.

Hibru 11:7

Na faith make Noah build ark afta God warn am about wetin go happen. E obey wetin God tok and na di ark save en and en family. Na di same faith Noah take kondemn di world, kon inherit di raitiousness wey dey kom.

1 Pita 1:22

Una don klean una soul with di trut wey una dey obey and as brodas and sistas, make una love each oda well-well.

1 Pita 1:9

Una still get wetin make una faith strong and na dis bi di salvashon wey una soul get.

1 Pita 2:25

Before-before, una waka komot for di rite road like sheep wey lost, but naw, una don turn back go meet di Shepad and Pesin wey dey guide una soul.

1 Pita 3:19

As spirit, e kon go prish give wiked pipol spirits wey dey prison,

1 Pita 4:19

So if yu dey sofa as God wont am, make yu trust God wey kreate yu and E nor go ever fail yu.

2 Pita 2:5

God nor sorry for di world wey dey before and E distroy am with wota, but save Noah wey prish make pipol do wetin good for God eye and di seven pipol wey dey with am.

2 Pita 3:15

God dey wait with patient, so dat una go turn from sin kom meet am, just as awa broda Paul rite give una akordin to di wisdom wey God gi-am.