1 Pita 2:16 - Holy Bible Nigerian Pidgin English

¹⁶ Make una live as free pipol and nor use una freedom as eskuse to do bad tins, but make una use am well as God savant.

1 Pita 2:16 ပူးပေါင်းရင်းမြစ်များ

Matiu 23:13

“But e go bad for una wey dey tish di law and una Farisee pipol, una wey dey pritend! Una klose door make pipol nor for fit enter God Kingdom! Unasef nor won enter and una nor won make odas enter.

John 15:22

If to sey I nor kom tok to dem, dem for nor dey guilty for dia sin. But naw, dem nor get any eskuse for dia sin.

Romans 6:18

And as e bi sey una don free from sin, una don bikom slave to good tins.

Romans 6:22

But naw, una don dey free from sin kon bi God savant. Dis go make una dey holy and God go give una life wey nor dey end.

1 Korintians 7:22

Slave wey God choose make e follow Jesus, don bikom free man thru Jesus Christ. So free man wey God choose make e follow Jesus, don turn to Christ savant.

Galatians 5:1

Make una nor dey karry load for head like slave again, but make una stand strong for groun, bikos Christ don make us free.

Galatians 5:13

My brodas and sistas, God don koll una make una dey free; but make una nor use di freedom wey God give una anyhow, instead make una love each oda.

Efesians 6:6

Make una nor bi like pipol wey dey do dia work wen dem si sey, pesin dey look dem; bikos dem dey fine good face. Instead, as una bi Christ savant, make una dey do wetin God like from una heart.

Kolossians 3:24

bikos una know sey na Christ una really dey serve and una know sey E go reward una.

1 Tesalonians 2:5

As una know, wi nor ever try to win una with sweet words. And God na awa witness sey wi nor dey pritend to bi una friends bikos of una money.

James 1:25

But di pesin wey dey look God pafet law wey dey free pipol; dey do wetin di word tok and e nor dey listin and forget, God go bless am for evritin wey e dey do.

James 2:12

Make una tok and do like pipol wey dem go judge with di law wey go free pipol.

2 Pita 2:19

Even doh dis fake tishas dey promise dis pipol sey, dem go dey free, di fake tisha na slave dem bi to sin. Bikos pesin na slave to anytin wey masta am.

Jude 1:4

Some pipol don hide join una and God don mark dem for distroshon. So I won tell una about dis tins sey, dis pipol nor dey fear God. Dem don dey use God grace as eskuse to dey do bad-bad tins. Dis pipol nor gri asept Christ as dia Masta and Oga God.