1 Pita 1:13 - Holy Bible Nigerian Pidgin English

¹³ So, make una always dey ready for akshon. Make una shine una eye and put hope for di grace wey Jesus Christ go bring.

1 Pita 1:13 ပူးပေါင်းရင်းမြစ်များ

1 Kings 18:46

Naw God give Elijah pawa, so e tie en rope round en waist kon run with leg pass Ahab go Jezrel.

2 Kings 4:29

So Elisha kon tell Gehazi, “Tie yor garment well make yu follow dis woman with my walkin stik. If yu meet anybody for road, make yu nor greet am and if anybody greet yu, make yu nor ansa. Den if yu rish here, take my walkin stik take tosh di pikin.”

Job 38:3

Naw, make yu stand like man kon ansa di kweshons wey I go ask yu.

Job 40:7

Make yu stand strait kon ansa my kweshons.

Exodus 12:11

“ ‘Na like dis una go take chop am: make una dress like who dey travel; wear una shoe kon hold una stik for hand. Make una rush chop am, bikos dis na Oga God Passova.

Isaya 11:5

E go rule en pipol with betta mind and respet.

Jeremaya 1:17

“But yu, Jeremaya! Make yu ready go tell dem evritin wey I kommand yu. Nor fear dem, if not, I go give yu betta rizin to fear dem.

Matiu 20:4

E kon tell dem, ‘Make una go work for my farm, I go pay una well.’

Luke 12:35

“Make una ready to serve God and make una lite dey shine evritime.

Luke 17:30

“Na so e go bi for di day wen Man Pikin go show ensef.

Luke 17:8

No! Instead una go tell am, ‘Prepare my evening food and serve mi, make I chop and drink. Wen I don finish, yu fit go chop yor own.’

Romans 13:13

So make wi dey bihave well as pipol dey do for day time. Nor go anyhow party or drink too mush, den kon dey bihave anyhow. Nor kworel or judge pipol.

Romans 8:19

Evritin wey God kreate for dis world, dey wait for God to show en shidren to di world.

1 Korintians 1:7

so una nor go miss any gift wey di Holy Spirit dey give, as una dey wait for di day wen God go bring awa Oga God Jesus Christ kom back.

1 Korintians 13:13

And naw wi get faith, hope and love. But di one wey big pass for di three, na love.

Efesians 6:14

So, make una stand well-well kon tie trut like belt round una waist, den wear bullet proof koat as raitiousness for una body.

Kolossians 3:4

Wen Christ (wey bi una life) go kom, una go follow am kom with glory.

2 Tesalonians 1:7

And una wey dey sofa so, God go give wi and una rest wen Christ go kom from heaven with en mighty angels.

2 Timoti 4:5

But make yu kontrol yorsef for evritin. Nor fear to sofa for Christ. Dey do God work and dey tell odas about di Good News.

2 Timoti 4:8

Naw, di prize for raitiousness dey wait mi and na God wey dey judge rite go give mi dis prize for di day wen Christ go kom. Di prize nor bi for mi alone, but na for evribody wey dey wait for Christ to kom back.

Hibru 10:35

So make una always dey strong, bikos una go get betta reward.

Hibru 3:6

But as God Pikin, Jesus dey faithful for God house. So wi too go get share for di house if wi bilive and get konfident for awa hope wey dey inside Christ.

Hibru 6:19

Dis hope strong for awa heart like ship wey dem tie make e nor for move, bikos di hope wey wi get dey kamkpe and strong gidigba. Di promise go take us pass di curtain for heaven, until wi rish where God dey;

Hibru 9:28

na so too Christ die wons, as sakrifice to forgive pipol forever and naw, e go bring salvashon to doz wey dey wait for am.

1 Pita 1:10

For dis salvashon matter, di profets wey tok before about di grace wey go kom, try well-well weda dem fit know wetin e mean, but dem nor fit.

1 Pita 3:15

For una heart, make una make Christ una Oga God and make una ready to ansa anybody wey ask una about di hope wey una get.

1 Pita 4:7

Di time wen evritin go end don near. So make una dey kontrol unasef and shine una eye wen una dey pray.

1 Pita 5:12

I tell my dear broda Silas sey, make e help mi rite dis small leta, so dat una heart go strong and make e tell una sey, all wetin dey happen to una, na as God wont am. So make una stand strong with en pawa.

1 Pita 5:8

Make una shine una eye well-well, bikos devil wey bi una enemy, bi like hongry lion wey dey shaut and dey find who e go chop.

1 John 3:3

And evribody wey get dis hope for Christ, dey make ensef pure, just as Jesus dey pure.