1 Pita 1:12 - Holy Bible Nigerian Pidgin English

¹² Dem show sey nor bi demsef dem dey work for, but na for una, bikos una hear dis matter from di apostles thru di Holy Spirit pawa wey kom from heaven. Even angels dey wish sey dem know dis tins.

1 Pita 1:12 ပူးပေါင်းရင်းမြစ်များ

Exodus 25:20

Di angels go spread dia feada kon kover di box and di angels go face each oda dey look di box.

Proverbs 1:23

How I wish una go gri listin, den I for give una good advise kon share my wisdom with una.

Isaya 32:15

Na so dis tins go bi until God go from heaven kon give us new life, den di desert go turn where fruit dey and di fruit tree go many like sey na forest.

Isaya 53:1

“Na who go bilive di message wey wi dey hear naw? Na who don si God hand for dis matter before?

Daniel 10:1

For di third year wen King Cyrus for Persia dey rule, God kon give Daniel (wey dem dey koll Belteshazzar) one message. Dis message na true, but e hard to undastand. Daniel undastand di message thru di vishon wey e si.

Daniel 12:13

But Daniel, make yu dey faithful to di end. Yu go die, but wen di world don end, yu go raiz-up kon kollect yor reward.”

Daniel 12:9

E ansa, “Daniel! Make yu dey go. Dis matter don finish and dem don keep am until di world go end.

Daniel 2:19

For nite, God show and tell Daniel evritin thru dream. Den Daniel praiz God wey dey heaven

Daniel 2:22

All di sekret tins wey dem hide, E dey bring am out; E know wetin dem hide for darkness and na lite E take kover ensef.

Daniel 2:47

Di king sey, “Na yor God big pass among all gods! Na-im bi God of all kings and E dey show pipol wetin dey sekret and na-im make yu fit tok all dis tins so!”

Daniel 8:13

Den I hear one angel dey ask anoda one sey, “How long dis tin wey dey happen for dis vishon go kontinue? Dis wiked tin wey dem dey do go replace di sakrifice wey dem dey do evriday? How long di sojas wey dey heaven and di temple go dey under en leg?”

Daniel 9:24

“God don set seventy weeks as di time wen E go take free yor pipol kon ribuild en temple. Una dey sofa, bikos of all di evil and wiked tins wey una do. Afta, E go forgive una sins and judge una well forever, so dat wetin E tok, go happen. Den E go anoint di holy temple again.

Joel 2:28

Afta all dis tins, I go put my spirit for una body. Una shidren go prish my message; di old pipol among una go dey dream dreams, while di yong ones go dey si vishon.

Amos 3:7

Before God wey get pawa do anytin, E go first show en plans to di profets, wey bi en savant.

Zekaraya 12:10

“Den I go pour my spirit to pray and to show mesi for David shidren-shidren body and di oda pipol for Jerusalem. Dem go dey look mi, di pesin wey dem shuk, den dem go mourn like pesin wey dey mourn en only pikin. Dem go kry well-well like sey na dia first boy pikin die.

Matiu 11:25

For dat time, Jesus kon sey, “I praiz yu Papa, Oga God wey get heaven and eart, bikos yu hide dis tins from pipol wey get sense and doz wey know book well-well, but yu show dem to small shidren.

Matiu 11:27

“My Papa put evritin for my hand. Nobody know di pikin, but na only en Papa know am. Nobody know di Papa, but na only di pikin and anybody wey di pikin choose to show.

Matiu 16:17

Den Jesus tell am, “God go bless yu, Simon, Jonah pikin, bikos na my Papa for heaven show yu dis tin, nor bi human being.

Mark 16:15

Jesus kommand dem sey, “Make una enter evriwhere for di world go prish di gospel give evribody.

Luke 15:10

I tell una true word, na so God angels dey happy, wen one sina turn from sin kom meet God.”

Luke 2:26

Di Holy Spirit don show am sey e nor go die before e go si di Mezaya wey God promise.

Luke 9:6

Di disciples kon travel go all di village dem, dey prish di Good News and heal pipol for evriwhere.

John 15:26

“But wen di true Spirit wey I go send from my Papa to help una don kom, e go tok about mi.

Acts 10:44

As Pita still dey tok, di Holy Spirit kon enter inside all di pipol wey dey hear di message.

Acts 16:10

Wen Paul si dis vishon finish, wi kon try to go Masidonia. Wi kon bilive sey God don koll us make wi go prish di Good News to di pipol wey dey der.

Acts 2:33

Bikos God don promote am make e dey en rite hand and e don receive di Holy Spirit wey en Papa promise and naw, e don pour di Holy Spirit for awa body, as una si am dey happen so.

Acts 4:31

Wen dem pray finish, di place wey dem gada put kon dey shake. Di Holy Spirit enter all of dem and dem kon dey prish God Word with pawa.

Acts 4:8

Pita wey di Holy Spirit dey use well-well kon ansa, “Awa rulers and eldas,

Acts 8:25

Afta Pita and John don tell dia story and prish God word finish, dem kon go back to Jerusalem, dey prish God word for inside Samaria, as dem dey go.

Romans 1:15

Na dis make mi won kom prish God word give una wey dey Rome.

Romans 1:17

Bikos na di Gospel dey show how God dey take make pipol klean for en eye. From di biginnin go rish di end, God sey, “Na only faith go make pesin dey klean for my eye.”

Romans 10:15

How pesin go prish God word wen God nor send am? As God word sey, “Pipol wey dey prish di Good News dey waka well, bikos na good tins dem dey bring!”

Romans 15:19

Yes! I go tok how Christ take do many mirakles and wonders thru di Holy Spirit pawa. I don prish di Good News from Jerusalem go rish Illyricum.

1 Korintians 2:10

God show us dis tins thru en Spirit, bikos di Spirit dey find evritin; even di deep tins wey dey God mind.

2 Korintians 1:22

and E don mark us as en own kon put en Spirit for awa heart, so dat wi go dey sure of all di oda tins wey E sey E go give us.

2 Korintians 6:6

Wi dey do all dis tins with awa klean life, di tins wey wi know; di patient wey wi get; di good wey wi dey do for pipol; di Holy Spirit wey wi get; betta love wey wi show pipol;

Galatians 1:12

Bikos I nor get or learn am from anybody, but I get am thru di revelashon wey Christ give mi.

Galatians 1:16

E show mi en pikin, so dat I go fit prish about am give Gentile pipol. I nor go meet anybody make e advise mi

Efesians 3:10

E make dem undastand, so dat thru di church, all di rulers and pawas wey dey heaven go kon know God komplete wisdom, wey dey show ensef for difren ways.

1 Tesalonians 2:9

But awa brodas and sistas, wi hope sey una remember as wi dey work for both day and nite, so dat as wi dey prish di gospel, wi nor go bi problem to una.

1 Timoti 3:16

Wi know sey God ways dey great well-well: Christ kom as human being; di Spirit show sey e dey free; angels si am wen e kom prish among Gentile pipol; pipol bilive am for di world and God karry am go heaven with glory.

Hibru 11:13

All of dem faith still strong wen dem die and dem nor get di tins wey God promise dem, but dem si and welkom di tins from far and dem gri sey, dem diasef na strenja for dis world.

Hibru 2:4

God use signs, mirakles and wetin di Holy Spirit do, take show sey, dia words na true.

Hibru 4:2

Bikos dem prish God word give us, just as dem prish am give dem too. But dem nor take am sirious, bikos wen dem hear am, dem nor gri bilive am.

1 Pita 1:25

but God word go last forever. And na dis word bi di Good News wey dem prish give una.

1 Pita 4:6

Na dis make Christ prish di gospel for doz wey don die, so dat even doh e go judge dem as human being, dem go live forever as spirit thru God judgement.

Revelashon 5:11

As I dey look, I kon hear many tazon angels vois as dem stand round di throne; di for creatures and di eldas.