1 Kronikles 29:14 - Holy Bible Nigerian Pidgin English

¹⁴ “But who mi and my pipol bi? Wi nor really fit give Yu anytin, bikos na Yu get evritin and wi dey give Yu wetin Yu first give us.

1 Kronikles 29:14 ပူးပေါင်းရင်းမြစ်များ

Jenesis 28:22

Den dis stone wey I dey keep der as holy stone, go bi God house and I go make sure sey I give Yu back one out of evry ten tin wey Yu give mi.”

Jenesis 32:10

I nor deserve all di good tins and kindness wey Yu don show mi, yor savant, bikos na with only my rod I take cross Jordan River, but naw, I don divide my family and propaty into two.

2 Samuel 7:18

Den David enter Tabanako sidan kon bigin pray sey, “My Oga God! Mi and my family nor rish who Yu go do all dis good tins for.

1 Kronikles 17:16

So David enter Tabanako, sidan kon sey, “My Oga God! Na who bi mi and my family wey Yu dey do all dis tins for?

1 Kronikles 29:13

Awa God, wi tank and praiz yor name wey get pawa.

1 Kronikles 29:15

Awa Oga God! Yu know sey wi dey pass thru dis world like strenjas, just as awa grand-grand papa dem do. Awa days bi like shadow wey dey fade and wi nor fit run from deat.

1 Kronikles 29:16

Awa Oga God, wi don bring all dis tins togeda to take build temple take honor yor name, but all of dem kom from Yu and dem bi yor own.

1 Kronikles 29:9

Di pipol use dia mind take give and dem happy sey dem don give many tins to God. So David kon dey happy too.

2 Kronikles 2:5

I go build betta big temple, bikos awa God big and betta pass evry oda gods.

Psalms 115:1

My God! Nor bi wi get di glory! Nor bi wi, but make all glory bi yor own, bikos of yor faithfulnes and love wey nor dey fail.

Exodus 3:11

But Moses tell God, “Na who I bi to go meet Fero or to karry Israel pipol komot from Egypt?”

Daniel 4:30

E kon sey: “Dis nor bi di great Babilon wey bi di royal town wey I build by mysef to show my pawa, strent, glory and honor?”

Haggai 2:8

God sey, “Na mi get all di silva and gold wey dey di world.

Romans 11:36

Bikos na God kreate evritin and na thru am evritin dey. Make praiz bi en own forever and ever! Amen.

1 Korintians 16:2

Evry Sunday, make each pesin dey keep some money for korna from di one wey e don work, as God help am rish, so dat una nor go nid to kollect money wen I kom.

2 Korintians 3:5

Wi nor dey sey wi go fit do all dis tins by awasef, but na God give us di pawa wey wi take do dem.

Deutronomi 16:10

Den make una celebrate Harvest Feast to honor di Oga una God. Make una gi-am ofrin from una mind, akordin to how E bless una rish.

Deutronomi 16:17

Evribody must give God as dem fit do rish and na akordin to how di Oga God bless dem rish.

Filippians 2:13

bikos na God dey work inside una and una go fit do good tins kon get di pawa wey go make una happy.

James 1:17

bikos evry betta and pafet gift dey kom from God. E dey kom down from di Papa wey kreate lite and E nor dey shange.

Revelashon 4:10

di twenty-four eldas go bow woship di Pesin wey dey live forever and ever. Dem go remove dia crown put for en throne front kon sey: