1 Kronikles 29:12 - Holy Bible Nigerian Pidgin English

¹² Na from Yu money and propaty from dey kom. Na yor strent and pawa Yu take dey rule evritin and Yu fit make anybody big and strong.

1 Kronikles 29:12 ပူးပေါင်းရင်းမြစ်များ

1 Kronikles 29:13

Awa God, wi tank and praiz yor name wey get pawa.

2 Kronikles 1:12

naw, wisdom and undastandin, na yor own. I go still give yu money, propaty and di kind honor wey pass evry oda king wey dey before and wey go dey afta yu.”

2 Kronikles 16:9

E klear sey na God dey wosh di whole world and E dey ready to give pawa to doz wey trust am. Yu nor use sense for dis matter, so from naw go, na so-so war yu go dey fight.”

2 Kronikles 20:6

kon pray: “My Oga wey bi awa grand-grand papa God, na Yu bi God wey dey for heaven and na Yu dey rule di whole world. Na Yu get all pawa and nobody fit stand against Yu.

2 Kronikles 32:29

E build royal towns and e get many sheep and melu, bikos God gi-am many propaty.

Job 42:10

Afta Job don pray for en friends, God kon make am rish for evry side again and E gi-am taims-tu of evritin wey e lost.

Job 9:19

Even if na to use pawa, E strong pass mi. Abi I go fit take am go kourt? Who go fit bring am kom di kourt?

Psalms 103:19

God don make heaven en throne and na from der E dey rule evritin.

Psalms 28:8

God dey give en pipol strent and en king dey save, bikos E dey protet am.

Psalms 29:1

Make all di angels for heaven honor God; make una honor am, bikos of en glory and strent.

Psalms 29:11

Na God dey give en pipol strent and na en dey bless dem with peace.

Psalms 62:11

God don tok many times sey, “All di pawa for heaven and eart, dey my hand

Psalms 62:12

and my love nor dey fail.” True-true, God go pay evribody akordin to wetin dem do.

Proverbs 10:22

Wen God bless pesin, e dey get enough and nor-tin go make am regret.

Proverbs 8:18

I get propaty, honor, betta life and suksess to give pipol wey wont am.

Ekklesiastes 5:19

E still good wen God bless yu with money, propaty and good health wey yu go take enjoy dem. To enjoy yor work and asept di life wey God give yu, na big gift from God.

Isaya 40:29

E dey give strent and pawa to pipol wey dey weak.

Isaya 43:13

Even before I kreate di day, I bi who I bi and nobody fit eskape from my pawa. Na who fit shange or skata wetin I don do?”

Isaya 45:24

Dem go sey, ‘Yes! Na only God get pawa to save pipol and anybody wey hate am, na disgrace go follow dem.’

Isaya 46:10

I know di end from di biginnin and na from wen I kreate di world I don dey tok tins before dem happen. I sey na as I plan am, na so e go bi and I go do am as I wont am.

Daniel 2:20

kon sey, “Make wi praiz God name forever and ever, bikos na-im get wisdom and pawa.

Daniel 6:26

I dey kommand sey, ‘Make evribody wey dey dis kingdom, fear and respet only Daniel God.’ “E go rule forever, bikos E nor dey die. Dem nor go fit distroy en kingdom and en pawa nor get end.

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

John 19:11

Jesus ansa, “Yu nor get pawa at-all for my life, escept God gi-am to yu. So, na di pipol wey bring mi kom meet yu, na dia sin big pass yor own.”

Efesians 3:16

I dey pray sey as en glory big rish, E go make una strong well-well with pawa thru en Spirit wey bi di really pesin inside una.

Efesians 3:20

So, make all di glory bi God own; di Pesin wey dey do pass di tins wey wi go fit ask or tink, thru en pawa wey dey work inside us.

Deutronomi 8:18

Una must remember di Oga una God, bikos na en dey give pipol di pawa to make money. If una obey am, di kovenant wey E make with una grand-grand papa, E go make am happen for una life.

Filippians 4:13

I fit do evritin thru Christ wey dey give mi pawa.

Kolossians 1:11

Wi still dey pray sey una go dey strong with God pawa wey get glory. Una go show sey una dey patient and get strong mind for God work with happiness.

Joshua 4:24

E do am make all di kountry for eart know sey na God get all di pawa, so una must always obey di Oga wey bi una God.”

Revelashon 11:17

And dem go sey: “Awa Oga God wey dey mighty, wi dey tank yu. Di one wey dey since and wey go always dey, bikos naw, yu don show yor pawa kon start to rule.