1 Kronikles 24:2 - Holy Bible Nigerian Pidgin English

² Nadab and Abihu die before dia papa die and dem nor born pikin, so dia brodas, Eleazar and Itama kon bi priest.

1 Kronikles 24:2 ပူးပေါင်းရင်းမြစ်များ

Exodus 24:1

Den God tell Moses, “Make yu klimb kom meet mi; both yu, Aaron, Nadab, Abihu and di seventy eldas for Israel and wen una still dey far from where I dey, make una bow woship mi.

Exodus 24:9

Moses and Aaron, Nadab and Abihu and di seventy eldas for Israel kon go di mountin

Exodus 29:9

Put sash round dia waist kon wear head-band for dem, so dat dem go serve as priest, just as God kommand dem. Na so yu go take klean Aaron and en sons.

Exodus 6:23

Aaron marry Elisheba wey bi Amminadab dota and Nahshon sista. Di woman born Nadab, Abihu, Eleazar and Itama for Aaron.

Levitikus 10:12

Moses kon tell Aaron and en two sons Eleazar and Itama sey, “Make una use di korn ofrin wey remain from di food wey dem offa give God, take make bread wey nor get yist, den chop am for di altar side, bikos na holy ofrin.

Levitikus 10:2

So fire kom out from God present kon burn dem die.

Nombas 18:7

But na yu and yor sons go do di priest work, evritin wey dey di altar and di Holy Place. And yu must work, bikos I don give yu di gift to bi priest and anybody wey I nor choose, if e kom near di holy tin, dem must kill-am.”

Nombas 26:61

But Nadab and Abihu die wen dem go offa anoda ofrin to God.

Nombas 3:2

Dis na Aaron sons name; di first pikin na Nadab, den Abihu, before Eleazar and den Itama.

Nombas 3:4

Nadab and Abihu die for God present wen dem give wetin nor dey klean to God for Sinai Wildaness and dem nor get shidren. So Eleazar and Itama kon dey work as priest for where Aaron wey bi dia papa dey.