1 Kronikles 21:16 - Holy Bible Nigerian Pidgin English

¹⁶ David si as di angel stand for di centre; hold en swod as e bin won distroy Jerusalem finish.

1 Kronikles 21:16 ပူးပေါင်းရင်းမြစ်များ

Jenesis 3:24

Wen God porshu dem komot, E kon put angels for di gate for di east side for di gardin with one swod wey dey bring fire and e dey turn face evriwhere. Dis one na to stop anybody wey won go near di tree wey dey give life.

1 Kings 21:27

Wen Elijah tok finish, King Ahab tear en klot kon wear sak klot. E nor gri chop; e sleep with di sak klot and e kon dey sorry for ensef.

2 Kings 19:1

Wen King Hezekaya hear wetin dem tok, en too tear en klot kon wear sak go God Temple.

2 Kings 6:17

Den Elisha kon pray, “Oga God, make Yu open my savant eye, so dat e go si for ensef.” So God open di savant eye, so e kon si sey many horse with fire kover di mountins wey surround Elisha.

Ezekiel 30:25

Yes! Na mi make am weak, so dat Babilon king go strong. Wen I give Babilon king my swod and e point am face Egypt, evribody go know sey na mi bi God.

Ezekiel 9:8

Na only mi dey der wen dem start to kill. So I fall face groun kon shaut, “Oga God wey get pawa well-well, na so Yu dey vex for Jerusalem? Yu wont kill evribody wey dey Israel?”

Nombas 14:5

Den Moses and Aaron fall face groun for di pipol front.

Nombas 16:22

Den dem fall face groun kon sey, “My God, di God of all pipol spirit, Yu go vex for di whole kommunity wen e bi sey na only one pesin sin?”

Nombas 22:23

Den di donkey si God angel as e stand for di road with swod for en hand, so di donkey turn face di field. But Balaam beat di donkey, so dat e go turn face road.

Nombas 22:31

Den God open Balaam eye and e si God angel as e stand for di road with swod for en hand; so e kon fall face groun.

Judges 13:20

As di smoke dey go up for di altar, Manoah and en wife kon si God angel inside di smoke dey go heaven, so dem kon fall face groun.