1 Kronikles 16:9 - Holy Bible Nigerian Pidgin English

⁹ Make una sing dey praiz God! Make una tok about di wonderful tins wey E dey do!

1 Kronikles 16:9 ပူးပေါင်းရင်းမြစ်များ

1 Kronikles 16:10

Make una boast about en name wey dey holy! Doz wey dey serve am, make una happy!

1 Kronikles 16:24

Make una tell di world about en glory and di big-big tins wey E dey do.

1 Kronikles 16:8

“Make una tank and koll God name! Make una let di whole world know di tins wey E do!

Job 36:24

Na praiz pipol dey always praiz am for anytin wey E do. So, yusef must praiz am.

Psalms 145:12

Dem go tok about di wonderful tins wey Yu don do and about di majesty and glory wey Yu take dey rule,

Psalms 40:10

All di good tins wey Yu do, I nor keep dem for my heart; but I don tok about as Yu dey faithful and yor pawa wey dey save pipol.

Psalms 71:17

My God, na from wen I bi small pikin, Yu dey tish mi yor ways and I always dey tell pipol about di wonderful tins wey Yu don do.

Malakai 3:16

Den di pipol wey dey fear God kon tok to each oda and God listin and hear wetin dem tok. For God present, all doz wey dey fear and respet en name, dem kon rite dia name put for one book so dat God go remember dem.

Matiu 26:30

Afta dem sing one hymn, dem komot kon go Mount Olives.

Efesians 5:19

Make una dey tok to unasef with psalms, hymns and spiritual songs. For inside una heart, make una dey praiz God with hymns and psalms.

Kolossians 3:16

Make Christ word stay inside una and make una dey tish each oda with wisdom wey go make una heart strong. Make una dey sing psalms, hymns and spiritual song and dey do all dis tins to really tank God from una heart.

James 5:13

If anybody dey sofa among una, make e pray. If anybody dey happy among una, make e sing dey praiz God.