1 Kronikles 15:16 - Holy Bible Nigerian Pidgin English

¹⁶ David still kommand Levi leaders sey, “Make Levi pipol use harp and cymbals take play music.”

1 Kronikles 15:16 ပူးပေါင်းရင်းမြစ်များ

1 Kronikles 13:8

David with all di pipol kon dey dance with dia heart to honor God. Dem sing dey play instrument, harp, drums, cymbals and trumpets.

1 Kronikles 15:12

E tell dem, “Na una bi leaders for Levi tribe. Make una klean all Levi pipol and unasef, so dat una go fit bring di Oga wey bi Israel God, Kovenant Box kom di place wey I make for am.

1 Kronikles 16:42

Na Heman and Jedutun dey kontrol how dem dey play di trumpets, cymbals and di oda tins wey dem take dey praiz God. Na Jedutun sons dey guide di gate.

1 Kronikles 16:5

Dem sey make Asaf lead dem, while Zekaraya go dey help am. Den make Jeiel, Shemiramot, Jehiel, Mattitaya, Eliab, Benaya, Obed-Edom and Jeiel play harp, while Asaf go dey play di cymbal.

1 Kronikles 23:5

4,000 wey go dey guide and anoda 4,000 wey go dey praiz God with di music instrument wey di king make.

1 Kronikles 6:16

Levi born three sons: Gershom, Kohat and Merari.

2 Kronikles 20:19

Den some Levi pipol wey kom from Kohat and Korah get up kon shaut dey praiz God.

2 Kronikles 30:12

God still help di pipol kom togeda for Judah, bikos dem obey di king and en ofisas kommand.

2 Kronikles 5:12

Levi pipol wey dey play music na, Asaf, Heman, Jedutun and dia sons and brodas. All of dem wear linen kon stand for di east side for di altar dey play cymbals, lyres and harps. 120 priests wey dey blow trumpet, kon join dem too.

2 Kronikles 5:13

Doz wey dey blow trumpet and doz wey dey sing kon dey sing togeda dey praiz and give God all di glory. With di trumpet, cymbals and oda instruments, evribody kon dey shaut praiz God dey sey: “God dey good! En love and goodness, na forever and ever!” At wons, one kind tick kloud kon kover God Temple.

2 Kronikles 7:6

Di priests stand for where dem put dem, plus all di Levi pipol wey dey play music to take praiz God. (Dis na di tins wey King David make to take give God tanks and David dey use dem wen ever e dey praiz God sey, “True-true, yor love dey with us forever.”) Di priest stand near Levi pipol dey blow di trumpets, while evry oda tribe for Israel, stand dey praiz God.

Nehemaya 12:27

Wen dem won dedikate di new wall for Jerusalem, dem sey make Levi pipol from evriwhere for di land kom Jerusalem kon support dem for di party. Dem sey make dem join for dis serimony as dem dey sing and tank God with dia cymbals, harp and lyres.

Nehemaya 12:36

Zekaraya friends na Shemaya, Azarel, Milalaya, Gilalai, Maai, Netanel, Judah and Hanani and dem dey use di music instrument wey God savant, David give dem. Na Ezra bi di kwayamasta.

Nehemaya 12:43

For dat day wen pipol dey happy, dem offa many sakrifice, bikos God don give di pipol rizin to dey happy. Di wimen and shidren still join for di celebrashon and evribody from far know sey betta tin dey happen for Jerusalem.

Nehemaya 12:46

Di tradishon to get kwayamasta wey go lead di pipol for praiz, hymns and tanksgivin don start since David and Asaf time.

Psalms 100:1

Make evritin wey dey dis eart, shaut with joy to God!

Psalms 149:3

Make una dance praiz en name with sheke-sheke and jita,

Psalms 150:5

Make wi dey nak cymbals togeda as wi dey praiz am. Yes! Make wi praiz am with loud cymbals.

Psalms 81:1

Make wi sing praiz God wey bi awa strent. Make wi sing praiz Jakob God.

Psalms 81:3

Make una blow ram horn wons new moon or full moon festival start!

Psalms 87:7

So di pipol go blow trumpet kon sing sey, “Na Jerusalem bi di hope wey wi get!”

Psalms 95:1

Kom make wi sing praiz God! Make wi shaut praiz di Rock wey dey save us.

Exodus 15:20

Den Miriam, Aaron sista wey bi profet kon take en sheke-sheke and all di rest wimen follow am too dey play dia sheke-sheke as dem dey dance.

Isaya 49:23

Kings go bi like una papa and kweens go bi like una mama. Pipol go bow dey honor una with respet. Den una go know sey na mi bi God, bikos I nor go disgrace anybody wey dey wait make I help am.”

Jeremaya 33:11

Una go hear am kon shaut with happiness, with joy and belle go sweet una wen una dey do marriage. Una go hear pipol dey sing as dem dey kom tank mi with dia ofrin. Dem go sey, ‘Make wi tank God wey dey mighty, bikos E good well-well and en love dey forever.’ I go make dis land prosper as e bi before. Mi, wey bi God, don tok.”

Amos 6:5

Una dey sing difren songs and dey play harp, just as David bin dey do.

Acts 14:23

Wen dem don choose eldas wey go lead di bilivers for di difren-difren church, dem kon pray and fast sey, make God protet dem.

2 Timoti 2:2

Di tins wey yu hear mi tok for pipol present, make yu tish oda pipol wey yu trust sey dem dey ready to tish odas.

Titus 1:5

Titus! Na dis message make mi leave yu for Krete, so dat yu go kontinue awa work for der and pick new leaders for each town, just as I kommand yu.