1 Kronikles 11:5 - Holy Bible Nigerian Pidgin English

⁵ Jebus pipol kon tell David sey e nor go fit enter di town, but David seize where God propaty dey for Zion, so dem kon dey koll di place, “David Town.”

1 Kronikles 11:5 ပူးပေါင်းရင်းမြစ်များ

2 Samuel 5:9

Afta dem don kapture der, David stay der kon koll am, “David Town.” E build house round am and e start from di dry land go rish di east side for di hill.

2 Samuel 6:10

So David kon sey e nor go karry am go Jerusalem again, den e turn kon karry am go Obed-Edom house. Na Gat Obed-Edom from kom.

2 Samuel 6:12

David hear sey God don bless Obed-Edom family and evritin wey e get, so e kon karry di Kovenant Box komot from Obed-Edom house go Jerusalem as dem dey celebrate.

1 Kings 8:1

Solomon koll all di leaders for Israel tribe and villages kon tell dem, “Make una karry God Kovenant Box go di temple for Zion wey bi David Town.”

1 Kronikles 11:4

David and Israel pipol go attack Jerusalem. Dat time, dem dey koll Jerusalem, “Jebus”, bikos na Jebus pipol dey stay di land.

1 Kronikles 11:6

David sey, “Di first man wey go attack Jebus pipol, na-im go bi di sojas oga!” So Joab wey en mama na Zeruaya, first attack and kill dem, so e kon bi di sojas oga.

1 Kronikles 11:7

David go stay for where dia betta propaty dey and na dis make dem dey koll am, David Town.

2 Kronikles 5:2

Den Solomon sey make all di eldas for Israel, plus all di leaders for di tribes and family for Israel, kom meet am for Jerusalem, so dat dem go dey der wen dem dey karry di Kovenant Box kom from David Town (wey bi Zion).

Psalms 122:5

Di throne where God for dey judge kase dey for der; di throne wey bi David and en shidren-shidren own.

Psalms 132:13

Yes! God don choose Jerusalem; E don choose di town as en own

Psalms 2:6

“I don choose my king for Zion wey bi my holy hill.”

Psalms 48:2

Di mountin dey high and fine well-well; di whole eart dey happy to si am! Mount Zion wey bi di holy mountin, na-im bi di town where di great King dey stay!

Psalms 78:68

Instead, E choose Judah tribe and Mount Zion wey E love.

Psalms 87:2

God love Jerusalem pass any oda town for Israel.

Psalms 87:5

But for Jerusalem real pipol, odas go sey, “Una dey enjoy o-o, bikos una bi Jerusalem pipol.” And di Most High God go bless di town by ensef.

Psalms 9:11

E good make wi sing praiz to God wey dey rule from Jerusalem. Make wi tell di world all di tins wey E do, wey dem nor fit forget.

Romans 9:33

God word sey: “Si, for Zion, I dey arrange stones wey go make pipol fall, yet doz wey bilive am, E nor go disappoint dem.”

Hibru 12:22

Instead, una don kom Mount Zion; di town where God dey stay; di Jerusalem for heaven where tazon angels dey. Una don enter di assembly,

Revelashon 14:1

Den I si di Lamb stand on-top Mount Zion with 144,000 pipol. Dem rite en name with en Papa name for dia fore head.

Judges 19:10

But dis time, di man don make up en mind to go. So e take en two donkey and en girl-friend kon pass thru Jebus (wey bi Jerusalem).

1 Samuel 17:26

David ask di men wey stand near am, “Na wetin dem go do for di man wey go kill dis Filistia man kon free Israel from shame? Bikos who bi dis Filistia man wey nor sekonsaiz, wey dey shalenge God wey dey alive, sojas?”

1 Samuel 17:36

Yor savant don kill both lion and bear. Dis Filistia man wey dem nor sekonsaiz go bi like one of dem. Bikos e don shalenge God wey dey alive sojas!”