1 Kronikles 11:10 - Holy Bible Nigerian Pidgin English

¹⁰ Dis na David strong sojas wey help and make en kingdom stand for Israel.

1 Kronikles 11:10 ပူးပေါင်းရင်းမြစ်များ

2 Samuel 3:21

Abner tell David, “My king, I go-go win Israel pipol kom give yu. Dem go take yu as king, den yu go get wetin yu dey find and yu go rule di whole land.” David kon make Abner know sey e dey save and e tell am make e dey go.

1 Kronikles 11:3

Wen di leaders for Israel meet David for Hebron, e make agriment with dem and dem anoint am as king for Israel, just as God promise dem thru Samuel.

1 Kronikles 12:21

Dem bi David ofisas, bikos dem bi strong sojas. Leta, dem kon bi ofisas among Israel sojas.

1 Kronikles 12:23

Dis na di names of di strong sojas wey kom join David with dia leaders for Hebron, so dat David go bi king afta Saul, just as God tok am:

1 Kronikles 12:24

From Judah: na 6,800 sojas wey dem don train to karry shield and spear.

1 Kronikles 12:38

All dis men na sojas wey dey ready to fight. Dem kom Hebron kon make David king ova Israel pipol. In-short, evribody for Israel gri sey make David bi dia king.

1 Kronikles 12:39

Dem use three days take follow David chop and drink, bikos dia pipol give dem evritin wey dem wont.

1 Kronikles 27:1

Dis na di list of leaders for Israel family and tribe with ofisas wey dey kommand sojas and all of dem get dia work for di kingdom. Dem sey make each group dey serve one mont for evry year and na 24,000 men dey each group.

1 Kronikles 28:1

King David kommand and gada all di offisa for Jerusalem. So all di ofisas for di tribe wey dey do di kingdom work; di family leaders; doz wey dey look di propaty and di animals wey di king and en shidren get; all di ofisas for di palis; di sojas oga and all di men wey pipol dey respet kon gada for Jerusalem.

1 Samuel 16:1

God tell Samuel, “Na how long yu won to dey sorry for Saul? I don rijet am as Israel king. So put olive oil for yor horn make yu dey go. I dey send yu go meet Jesse for Betlehem, bikos I don choose my king from among en sons.”