1 Korintians 8:6 - Holy Bible Nigerian Pidgin English

⁶ But wi (wey bi Christian), na only one God wi get and naim bi awa Papa. Na-im kreate evritin and wi dey live for am. Na Jesus Christ bi awa only Oga God. Na-im make evritin and na thru am wi get life.

1 Korintians 8:6 ပူးပေါင်းရင်းမြစ်များ

Isaya 46:9

Make una remember wetin happen before-before! Na mi bi God and e nor get any oda god. Yes! Na mi bi God and nobody bi like mi.

Jeremaya 10:6

I sey, “My God! Nobody bi like Yu. Yu dey mighty and yor name dey great with pawa.

Jeremaya 10:7

E nor get who nor dey fear Yu, bikos na Yu kreate evritin. Nobody bi like Yu for di whole world. Even kings and wise men nor rish Yu.

Jonah 1:9

Jonah ansa, “I bi Hibru pesin! I dey woship God; di Pesin wey make heaven, land and sea.”

Malakai 2:10

Nor bi di same papa all of us get? Nor bi di same God kreate all of us? Den why wi dey break awa promise wey wi make to each oda kon hate di kovenant wey God make with awa grand-grand papa dem?

Matiu 11:27

“My Papa put evritin for my hand. Nobody know di pikin, but na only en Papa know am. Nobody know di Papa, but na only di pikin and anybody wey di pikin choose to show.

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

John 1:10

E kom inside di world wey e make my ensef, but di pipol nor know am.

John 1:3

Na God make evritin and if to sey E nor make dem, dem nor for dey dis world at-all.

John 10:30

bikos mi and my Papa, na one.”

John 13:13

Una dey koll mi ‘Tisha’ and ‘Oga God’, una korrect, bikos na so I bi.

John 14:20

Dat time, una go know sey I dey inside my Papa and una dey inside mi, as I dey inside una.

John 17:3

Life wey nor dey end, dis na wetin e mean, ‘Na make pipol know yu wey bi di only true God and Jesus Christ, wey yu send.’

John 20:17

Jesus ansa am, “Make yu neva tosh mi, bikos I neva go meet my Papa for heaven. Go meet my brodas, tell dem sey, ‘I dey go heaven go meet my Papa, wey bi yor Papa too; my God, wey bi yor God too.’ ”

Acts 17:28

Bikos na inside am wi dey live, waka, get life and some of una wey dey rite poem tok sey, ‘Wisef na God pikin.’

Acts 2:36

So Israel pipol, make una know sey, God don turn dis Jesus Christ wey una kill, to bi Oga God and Mezaya.”

Acts 5:31

But God don promote am sey make e sidan for en rite hand kon gi-am big pozishon as Oga God and di Pesin wey go save di world, so dat Israel shidren go turn from dia sin kom meet God make e forgive dem.

Romans 11:36

Bikos na God kreate evritin and na thru am evritin dey. Make praiz bi en own forever and ever! Amen.

1 Korintians 1:2

To God holy pipol for di church wey dey Korint, wey bi en own bikos of Jesus Christ and pipol for evriwhere wey dey woship awa Oga God Jesus Christ as dia Oga God and Savior.

1 Korintians 12:3

Naw, I wont make una know sey, anybody wey God Spirit dey lead, go sey, Jesus naim bi Oga God and e nor go ever curse am.

1 Korintians 6:13

Una still dey sey, “Food dey good for awa body and awa body nid food.” But I dey tell una, “God go distroy di two of dem.” So make wi nor use awa body take do yeye tins.

1 Korintians 8:4

So, even if pipol dey offa food give juju, all of us know sey di juju dem nor get life, bikos na only one God dey.

Efesians 1:3

I bless God wey bi awa Oga God Jesus Christ Papa; wey don bless us with difren spiritual blessing from heaven, bikos of Christ.

Efesians 3:14

Bikos of dis, I dey knee down for awa Papa front,

Deutronomi 4:35

E show una dis tins, so dat una go know sey na di Oga God bi God and no oda pesin or tin, big rish am.

Deutronomi 4:39

So make una remember dis tins kon keep am well for una heart: Na di Oga God bi God, both for heaven and for eart and know oda god, dey.

Deutronomi 6:4

Israel pipol! Make una listin! Di Oga na awa God and God na one!

Kolossians 1:6

kom meet una. Dis gospel dey bear fruit for di whole world and since di day wey una hear am, una don undastand as God grace big rish and e don dey bear fruit and grow among una.

1 Pita 1:21

True am, una bilive God wey raiz am from deat kon gi-am glory. So, una faith and hope dey for God hand.

Revelashon 1:18

di One wey dey alive! I die before, but naw, I dey alive forever and ever. Deat and grave key dey my hand.