1 Korintians 6:9 - Holy Bible Nigerian Pidgin English

⁹ Una nor know sey wiked pipol nor go enter God kingdom? So make una nor fool unasef! Pipol wey dey sleep with who dem nor marry; doz wey dey serve juju; men wey dey sleep with oda men;

1 Korintians 6:9 ပူးပေါင်းရင်းမြစ်များ

Jenesis 19:5

Di men kon koll Lot dey sey, “Where di men wey kom meet yu dis evening? Bring dem kom out, so dat wi go sleep with dem!”

Exodus 23:1

“Make una nor dey tok wetin una eye nor si. Make una nor join wiked pipol lie for pesin head.

Proverbs 11:1

God hate pipol wey dey play wayo, but E dey love doz wey dey do good tins.

Proverbs 22:8

Pesin wey like wikedness, na trobol go bi en own and en wahala against oda pipol, go soon end.

Proverbs 7:27

If yu enter en house, den deat dey hongry yu, bikos na short kut to deat bi dat.

Isaya 55:7

Make wiked pipol turn from dia wiked life kon shange di way dem dey tink. Make dem turn go meet di Oga wey bi awa God, bikos E dey sorry for pesin and dey kwik forgive pipol.

Ezekiel 18:11

wey en papa nor dey do kon dey chop juju food and sleep with pipol wife?

Levitikus 18:20

“ ‘Make una nor sleep with anoda man wife, bikos e nor good and e go make una dey unklean.

Levitikus 18:22

“ ‘Make man nor sleep with man as if na woman; bikos dat kind tin dey bad for God eye.

Levitikus 19:15

“ ‘Make una dey honest and pure wen ever una dey judge any matter. And make una nor dey trit poor pipol matter anyhow kon dey show good face to pipol wey get money.

Levitikus 20:13

If man sleep with man like sey e dey sleep with woman, both of dem don kommit bad sin. So dem must kill two of dem and dia blood go dey for dia own head.

Zekaraya 5:3

Den di angel tell mi, “Dem rite all di curse wey dey di land inside di book. For one side for di book, dem rite put sey, ‘Anybody wey dey tif, dem go drive am komot di land,’ and for di oda side, wetin dem rite put na, ‘Anybody wey dey lie, dem go drive am komot di land too.’ ”

Matiu 19:29

And anybody wey leave en house, brodas, sistas, papa or mama and land bikos of mi, go get am back hundred times and e go get life wey nor dey end.

Matiu 25:34

“Den di king go tell di pipol wey dey en rite hand, ‘Make una kom, una wey my Papa don bless and make una inherit di kingdom wey God prepare for una before di world start.

Luke 21:8

Jesus ansa, “Make una shine una eye, so dat nobody go deceive una. Bikos many pipol go kom prish with my name sey, ‘Na mi bi Jesus’ or ‘Di time don near.’ Make una nor follow dem!

Acts 20:32

Naw, I leave una for God hand, so make en word wey get grace, keep una. Dis word wey get grace fit make una grow and get share with all God pipol.

Acts 24:25

Fear katch Felix, as Paul dey tok about di Good News, sef kontrol and how God judgement go take kom, so e kon tell Paul, “Make yu go first, wen I get time, I go sey make dem bring yu kom again.”

Romans 1:18

Bikos of all di sins and bad tins wey wiked pipol dey do, God vexnashon dey show from heaven and di sins dey kover di trut.

1 Korintians 15:33

Make una nor let anybody deceive una, “Bad friends dey spoil good karata.”

1 Korintians 15:50

My friends, I wont make una know sey awa body wey get blood go rotin. Dat mean sey dis kind body, nor go fit enter God kingdom wey go dey forever.

1 Korintians 3:16

Una nor know sey una bi God Temple and en Spirit dey inside una?

1 Korintians 5:1

I don dey hear bad-bad tins about some of una. And una own even worse pass wetin doz wey nor know God dey do. Sotey man dey sleep with en papa wife.

1 Korintians 5:10

But I nor dey tok about pipol wey bad, wiked, dey serve juju and get long-trot for dis world. If to sey na dem I dey tok about, den una nid to komot for dis world.

1 Korintians 5:11

But naw, I dey rite to una sey, pipol wey sey dem bi Christians and dem dey do bad tins, make una nor follow dem make friend. Make una nor even chop with dat kind pesin.

1 Korintians 6:10

tif; long-trot; drunkard; doz wey dey curse pipol and doz wey dey play wayo; non of dem go enter God kingdom.

1 Korintians 6:18

Make una nor live ashawo life. Evry oda sin wey man dey kommit na for outside en body, but di pesin wey dey do ashawo, dey sin against en own body.

1 Korintians 6:19

Abi una nor know sey una body na di temple wey di Holy Spirit dey stay? So, nor bi una get unasef.

1 Korintians 9:24

Una nor know sey, wen pipol dey run, na only one pesin go win di race and di prize? So make una run, so dat una go fit win!

2 Korintians 12:21

I dey fear sey wen I kom again, God go disgrace mi for una front. And I go kry, bikos many of una still dey sin. Una neva turn from sin kom meet God; una neva turn komot from di ashawo and yeye life wey una dey live.

Galatians 6:7

Make una nor let anybody deceive una. Nobody go fit deceive God. Anytin wey pesin plant, naim e go reap,

Deutronomi 22:22

If dem katch anybody dey sleep with anoda man wife, both of dem must die; like dis, una go remove evil from Israel.

Deutronomi 22:5

Make woman nor wear klot wey bi man own and make man nor wear woman klot, bikos anybody wey dey do dis kind tin, dey make di Oga una God vex.

Deutronomi 23:17

Make nobody for Israel, weda na man or woman, turn ashawo for di temple.

Kolossians 3:5

So make una kill evry bad karata wey dis world dey bring: Like to dey sleep with pesin wey una nor marry; dey bihave anyhow; follow dis world tins; dey do bad tins; long-trot and to serve juju.

Hibru 12:14

Make una try to live for peace with evribody and dey holy, bikos anybody wey nor dey holy, nor go si God.

Hibru 12:16

Make una make sure sey nobody dey do bad tins or nor dey fear God, just like Esau wey sell en rite as first-born, bikos of food.

Hibru 13:4

Make evribody respet marriage: una must make sure sey una nor sleep with who nor bi una husband or wife, bikos God go judge pipol wey dey sleep with who dem nor marry and pipol wey don marry, wey dey sleep with oda pipol.

James 1:16

My brodas and sistas, make nor-tin deceive una,

1 John 3:7

So my shidren, make una nor let anybody deceive una: If pesin dey do wetin good for God eye, dat show sey dat pesin dey good, just as Christ dey good for God eye.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”

Revelashon 22:15

Pipol wey dey do like dogs, doz wey dey do majik and kill odas; doz wey dey serve juju and dey like to lie, all of dem nor go enter di town.

Judges 19:22

As dem dey chop and drink, some pipol wey dey kause trobol for di town kon surround di house. Dem bigin nok di door dey shaut for di old man, “Make yu bring di man wey dey stay with yu, so dat wi go sleep with am.”