1 Korintians 6:19 - Holy Bible Nigerian Pidgin English

¹⁹ Abi una nor know sey una body na di temple wey di Holy Spirit dey stay? So, nor bi una get unasef.

1 Korintians 6:19 ပူးပေါင်းရင်းမြစ်များ

1 Kings 20:4

King Ahab ansa, “Make una tell my oga, King Ben-Hadad sey I gri. Make e take mi and evritin wey I get.”

1 Kronikles 29:14

“But who mi and my pipol bi? Wi nor really fit give Yu anytin, bikos na Yu get evritin and wi dey give Yu wetin Yu first give us.

Psalms 100:3

Make una know sey na di Oga God bi God! Na-im make us and wi bi en pipol. Wi bi en pipol, di sheep wey dey en field.

Psalms 12:4

Dem dey sey, “Na di way wi dey tok, dey make us prosper; na wi get awa own lip: who bi awa oga or who go fit stop us?”

John 2:21

But na di temple for Jesus body naim e dey tok about.

Romans 8:9

But una nor dey obey sin, instead, na as di Spirit sey make una live, na so una dey live.

1 Korintians 3:16

Una nor know sey una bi God Temple and en Spirit dey inside una?

1 Korintians 6:13

Una still dey sey, “Food dey good for awa body and awa body nid food.” But I dey tell una, “God go distroy di two of dem.” So make wi nor use awa body take do yeye tins.

1 Korintians 6:3

Una nor know sey wi go judge angels? Since na so, den wi suppose to judge di tins wey dey dis world!

2 Korintians 5:15

And e die for evribody, so dat evribody wey dey live nor go live for diasef again, but for di Pesin wey die and wake-up afta three days.

2 Korintians 6:16

Wish kind business God Temple and juju get? Bikos wi bi God Temple, just as God sey, “I go stay inside dem and waka among dem, den, I go bi dia God and dem go bi my pipol.”

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

James 4:5

Abi yu tink sey God nor mean wetin E tok wen E sey, “Di Spirit wey I put inside una dey jealous well-well?”

1 Pita 2:5

So unasef too, don bi stone wey dey alive and God dey build una as en spiritual house, so dat una go bi priest wey dey holy and una go offa spiritual sakrifice wey E go asept thru Jesus Christ.