1 Korintians 6:11 - Holy Bible Nigerian Pidgin English

¹¹ Na so some among una bi before, but naw, God don wosh una klean thru Jesus Christ name and en Spirit pawa, don make una klean for en eye.

1 Korintians 6:11 ပူးပေါင်းရင်းမြစ်များ

Psalms 51:2

Make Yu wosh and klean mi from di bad tins wey I do. Klean mi from all my sins.

Psalms 51:7

So make Yu klean mi from my sins and I go dey klean; make Yu wosh mi and I go white pass snow.

Proverbs 30:12

“Dem bilive sey dem dey good for dia own eye, but dem dirty pass rag.

Isaya 1:16

Make una go wosh unasef klean and stop all di evil tins wey una dey do.

Isaya 45:25

Dem go bless and praiz Israel pipol, bikos of di Oga awa God.”

Isaya 53:11

But wen e si all di good tins wey en sofa bring, belle go sweet am. My savant wey I like well-well, go bear plenty pipol ponishment and I go forgive dem bikos of am.

Jeremaya 4:14

“So Jerusalem pipol, make una from una heart stop all di bad-bad tins wey una dey do, so dat una go dey save. Wetin make una nor fit stop to tink bad-bad tins?

Ezekiel 36:25

I go pour klean and good wota for una body, so dat una go dey klean from di juju wey una dey woship before and evritin wey make una dirty.

Levitikus 14:48

If di priest kom look and di diziz nor kom back again afta dem don plasta di wall, e go sey di house dey klean, bikos di diziz don go.

Levitikus 8:6

Moses bring Aaron and en sons kom out kon wosh dem with wota.

Matiu 20:4

E kon tell dem, ‘Make una go work for my farm, I go pay una well.’

Luke 18:14

“I tell una true word, na di tax kollector God go forgive, nor bi di Farisee. Bikos anybody wey karry ensef go up, God go bring am down, but di pesin wey put ensef down, God go karry am up.”

John 13:10

Jesus ansa, “Di pesin wey don baf, only nid to wosh en leg, bikos e don dey klean. Una dey klean, but nor bi all of una.”

John 13:8

Pita tell am, “I nor go gri make yu wosh my leg!” Den Jesus ansa, “If I nor wosh yor leg, mi and yu nor go get anytin togeda again.”

John 5:4

From time to time, one angel dey kom shake di wota and anybody wey first enter di wota afta di angel don shake am, go well.

Acts 13:39

True am, evribody wey bilive, go dey free from evritin wey Moses Law nor fit free dem from.

Acts 22:16

Naw, wetin yu dey wait for? Get up, make dem baptize yu, so dat God go forgive yu yor sin, as yu koll en name.’

Acts 26:18

yu go open dia eyes make dem for waka komot from darkness enter lite. Make dem komot from Satan hand, go meet God, so dat God go forgive dem dia sins and dem go follow di pipol wey God don make klean, bikos dem bilive am.’

Romans 3:24

but God don make us dey rite with am thru en free gift wey E give us, bikos of Jesus Christ wey save us.

Romans 4:5

Doz wey nor depend on wetin dem dey do, but dem get faith and bilive sey God dey forgive sinnas, na dis faith God dey use take forgive dem dia sins.

Romans 5:1

Since faith don make us dey good for God eye, wi don get peace thru awa Oga God Jesus Christ.

Romans 5:9

Naw, wi dey rite bikos of Christ blood and na dis blood go save us from God vexnashon.

Romans 8:30

Doz wey God don asept, na dem E koll; doz wey E koll, na dem E make raitious and E kon share en glory with dem.

Romans 8:33

Who go fit akuiz pesin wey God don choose? Na God know who good or bad.

1 Korintians 1:2

To God holy pipol for di church wey dey Korint, wey bi en own bikos of Jesus Christ and pipol for evriwhere wey dey woship awa Oga God Jesus Christ as dia Oga God and Savior.

1 Korintians 1:30

Una don bi Christ friends bikos of God and na thru Christ wi get wisdom, goodness and holiness wey kom from God;

1 Korintians 12:2

I won make una remember sey, before una bigin follow Christ; na juju una dey serve.

Galatians 2:16

Wi know sey nobody dey free from God judgement, bikos na so di law tok and pipol go only dey free, if dem get faith for Christ. Since wi don bilive Christ, wi suppose to dey do good thru di faith wey wi get for Christ and nor bi to dey do wetin di law tok and wi nor go dey free from judgement, wen wi do only wetin di law tok.

Galatians 3:11

Dis one show sey, nobody dey good for God eye, bikos e dey obey di law. So anybody wey dey raitious, must live by faith.

Galatians 3:24

So na di law bi awa tisha before Christ kom, so dat wi go fit tok sey wi dey raitious thru faith.

Galatians 3:8

Dem rite for God word before sey, “E go asept Gentile pipol, wen dem get faith” and na dis make am tell Abraham before di time rish sey, “E go bless evribody, bikos of am.”

Efesians 5:26

so dat e go fit make am klean, thru baptizim and God word.

Efesians 5:8

Before-before, una dey for darkness, but naw, una bi lite wey dey shine inside Christ. So make una dey do tins like shidren wey get lite,

2 Tesalonians 2:13

But my brodas and sistas wey God love, wi dey always tank God for una evritime, bikos God don choose una from di biginnin sey, E go save una with di Holy Spirit pawa wey go make una dey holy, since una get faith and trut.

Hibru 10:22

So make wi draw near God with betta heart and strong faith, bikos God don wosh awa heart and body with klean wota.

Hibru 10:29

If pipol wey nor dey obey Man Pikin; dey take di kovenant blood make yeye and dey curse di Spirit wey bring grace, na how dia own ponishment go big rish?

Hibru 2:11

True-true, Jesus make pipol dey holy, so en and di pipol wey e make holy, na God kreate dem. Na dis make am nor dey shame to koll dem en brodas and sistas.

1 Pita 1:2

make dem dey holy thru en Spirit. Make una dey obey Christ for evritin and en blood go klean una. Make grace and peace bi una own!

1 Pita 1:22

Una don klean una soul with di trut wey una dey obey and as brodas and sistas, make una love each oda well-well.

1 Pita 3:21

Dis show how baptizim go save us, nor bi just to wosh dirty komot for pesin body, but na to show sey wi get good mind for God thru di way wey Jesus Christ take raiz-up

1 John 2:12

My shidren, I dey rite give una sey God don forgive una sins, bikos of Jesus name.

Revelashon 1:5

and from Jesus Christ, di witness wey dey tok trut; di first-born among doz wey God raiz from deat and naim bi di King of all kings. Christ wey love and free us from awa sins with en own blood;

Revelashon 7:14

I kon ansa, “My oga, na yu know di ansa.” Den e sey, “Dis pipol die bikos of Christ. Dem don use di Lamb blood take wosh dia klot, naim make am white like dat!