1 Korintians 5:1 - Holy Bible Nigerian Pidgin English

¹ I don dey hear bad-bad tins about some of una. And una own even worse pass wetin doz wey nor know God dey do. Sotey man dey sleep with en papa wife.

1 Korintians 5:1 ပူးပေါင်းရင်းမြစ်များ

Jenesis 35:22

As Israel dey for di land, Reuben kon go sleep with Bilhah, en papa girl-friend and Israel kon hear wetin happen. Jakob get twelf sons:

Jenesis 37:2

Na Jakob story bi dis: Josef wey bi seventeen years dey kare for di sheep with en brodas. Naw e bi small boy wey dey work with en papa wifes, Bilhah and Zilpah sons. Josef kon tell en papa bad tins about dem.

Jenesis 49:4

But yu dey skata tins like wota, so yu nor go prosper, bikos yu sleep with yor papa wife for my bed!

2 Samuel 16:22

So dem set one tent for di palis roof for Absalom and for evribody present, Absalom enter kon sleep with en papa girl-friends.

2 Samuel 20:3

Wen David rish en palis for Jerusalem, e take en ten girl-friends wey e leave make dem kare for di place kon sey make dem guide dem. E give dem evritin wey dem wont, but e nor sleep with dem. And still dem die, e keep dem like wimen wey dia husband don die.

1 Kronikles 5:1

Reuben wey bi Jakob first pikin, na en shidren-shidren bi dis. But bikos e sleep with en papa wife, di papa kon give en senior pozishon to Josef. So for dia family history, dem nor rite Reuben as di first-born.

Jeremaya 2:33

Una really know how to run follow di pesin wey una love and bikos of dis, even ashawo, don learn join en work, bikos of wetin una dey do!

Ezekiel 16:47

Yu like as yu dey do di bad tins wey dem do? No! But e nor even tey before yor own worse pass dia own.

Ezekiel 22:10

Some dey sleep with dia papa wife, while odas dey force and sleep with woman wey dey si en period.

Levitikus 18:8

Make una nor go sleep with una papa wife, bikos na una papa nakednes.

Levitikus 20:11

If anybody sleep with en papa wife, e don disgrace en papa bi dat. So dem must kill both of dem and dia blood go dey for dia own head.

Amos 2:7

Dem dey mash poor pipol head for san-san kon push doz wey nor get who go help dem komot for road. Papa and pikin dey sleep with di same woman and like dis, dem don spoil my name wey dey holy.

Acts 15:20

but instead, make wi rite leta go give dem sey, make dem nor chop food wey dem sakrifice give juju and make dem nor sleep with who dem nor marry, animal wey dem kill and di blood nor tosh groun, make dem nor chop or drink en blood.

Acts 15:29

‘Wi advise sey make una forbid meat and blood wey dem don sakrifice give juju and any animal wey una kill wey en blood nor tosh groun. And make una nor sleep with who una nor marry.’ If una forbid all dis tins, una go do well!”

1 Korintians 1:11

Bikos I don hear thru Khloe family sey, una dey kworel among unasef.

1 Korintians 5:11

But naw, I dey rite to una sey, pipol wey sey dem bi Christians and dem dey do bad tins, make una nor follow dem make friend. Make una nor even chop with dat kind pesin.

1 Korintians 6:13

Una still dey sey, “Food dey good for awa body and awa body nid food.” But I dey tell una, “God go distroy di two of dem.” So make wi nor use awa body take do yeye tins.

1 Korintians 6:18

Make una nor live ashawo life. Evry oda sin wey man dey kommit na for outside en body, but di pesin wey dey do ashawo, dey sin against en own body.

1 Korintians 6:9

Una nor know sey wiked pipol nor go enter God kingdom? So make una nor fool unasef! Pipol wey dey sleep with who dem nor marry; doz wey dey serve juju; men wey dey sleep with oda men;

2 Korintians 12:21

I dey fear sey wen I kom again, God go disgrace mi for una front. And I go kry, bikos many of una still dey sin. Una neva turn from sin kom meet God; una neva turn komot from di ashawo and yeye life wey una dey live.

2 Korintians 2:5

Naw if anybody don make pesin vex, nor bi only mi e make vex, but na all of una. (I dey tok like dis bikos I nor won too vex for di pesin).

2 Korintians 7:12

I nor rite dis leta give una bikos of di pesin wey do bad or di pesin wey dem do di bad to, but na to show una how una won work for God bikos of us.

Galatians 5:19

Na di tins wey di flesh dey do bi dis: To sleep with pesin wey yu nor marry; to get bad mind; to opress pipol;

Efesians 5:3

To dey sleep with pesin wey yu nor marry; dey do tins wey nor dey pure and get long-trot, make una nor allow dis tins dey among una, bikos dem nor good for God pipol.

Deutronomi 22:30

Make nobody marry en papa former wife, bikos dat na disgrace to en papa.

Deutronomi 27:20

Anybody wey sleep with en papa wife, na curse go follow am, bikos e nor gri honor en papa. Den all di pipol go ansa, “Amen.”

Kolossians 3:5

So make una kill evry bad karata wey dis world dey bring: Like to dey sleep with pesin wey una nor marry; dey bihave anyhow; follow dis world tins; dey do bad tins; long-trot and to serve juju.

1 Tesalonians 4:7

Bikos God nor koll us to live yeye life, but na to live holy life.

Revelashon 2:21

I don gi-am time make e turn from sin kom meet God, but e nor gri stop to sleep with doz wey nor bi en husband.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”

1 Samuel 2:24

My shidren, e nor suppose bi like dis, bikos di tin wey I dey hear about una from God pipol, nor dey good to hear.