1 Korintians 4:5 - Holy Bible Nigerian Pidgin English

⁵ So, make una nor judge anybody until Christ go kom back. E go espose evritin wey dey darkness and di tins wey dey inside pesin heart. Dat time, na God go praiz evribody akordin to wetin dem do.

1 Korintians 4:5 ပူးပေါင်းရင်းမြစ်များ

Job 12:22

E open all di sekret tins wey dem hide for darkness kon put lite for where deep pass.

Proverbs 12:8

Dem dey praiz pesin wey get sense, but nobody dey respet wiked pesin.

Ekklesiastes 11:9

Yong man, make yu happy as yu dey yong! Make yu enjoy evry minute for dis life and do evritin wey yu won do; but remember sey yu go tell God evritin wey yu dey do.

Ekklesiastes 12:14

For evritin wey wi dey do, make wi know sey God go judge us; even di ones wey wi do for sekret, weda dem dey good or bad.

Jeremaya 16:17

Bikos I dey si evritin wey dem dey do; dia wikedness nor hide from mi and e nor get where dem hide dia sin put wey I nor go si am.

Jeremaya 23:25

“I know evritin wey doz profets tok; dem dey lie with my name sey I tok to dem thru dreams.

Hosea 8:13

Dem dey offa sakrifice give mi kon chop di sakrifice meat. But mi wey bi God nor dey happy with dem and naw, I go remember dia sin kon ponish dem. I go send dem go back to Egypt!

Malakai 3:18

Den my pipol go si di difren between good and bad and between doz wey dey serve mi and doz wey nor dey serve mi.”

Matiu 10:26

“Make una nor fear man, bikos nor-tin wey hide wey nor go kom out and know sekret wey pipol nor go know.

Matiu 24:30

“Den Man Pikin sign go appear for heaven and all di tribes for dis world, go kry. Dem go si God Pikin dey kom from inside di kloud for heaven with pawa and betta glory.

Matiu 24:46

E go good for dat savant wen en oga go kom back kon si am dey work.

Matiu 25:21

“En oga kon tell am, ‘Yu bi good and wise savant and yu do well! Since yu fit use di small tin wey I give yu, e show sey yu go fit kontrol big-big tins. Make yu kom enjoy with mi!’

Matiu 25:23

“En oga tell am, ‘Yu bi good and wise savant and yu do well! Since yu fit use di small tin wey I give yu, e show sey yu go fit kontrol big-big tins. Make yu kon enjoy with mi!’

Luke 6:37

“Make una nor judge oda pipol, so dat God nor go judge una. Make una nor kondemn odas, so dat God nor go kondemn una. Make una forgive odas and God go forgive una.

John 21:22

Jesus ansa am, “Make yu mind yor own business. If I wont sey make e stay until I kom back, wish one koncern yu inside? Make yu yorsef follow mi.”

John 21:23

Den di rumor kon dey spread among di brodas and sistas sey, di disciple nor go die. But Jesus nor really tell Pita sey di oda disciple nor go die, but e sey, “If I won sey make e stay until I kom back, wish one koncern yu inside?”

John 5:44

How una go fit bilive wen una dey praiz each oda and una nor kare for di praiz wey only God fit give.

Romans 14:4

Wish rite yu get to kondemn anoda pesin savant? Na only dia oga fit tok weda dem dey do well and e must make sure sey, dem do di rite tin.

Romans 2:1

Pesin wey dey judge odas nor get eskuse for wetin e dey do and e nor matter who en bi. Bikos wen yu judge odas and yu dey do di same tin wey dem dey do, yu dey kondemn yorsef.

Romans 2:16

So just as I prish give una, na so e go bi for dat day, wen God go judge all di sekret tins wey dey pipol heart thru Jesus Christ wey bi en pikin.

Romans 2:29

but di really Jew na pesin wey bi Jew for inside en heart, bikos sekonsishon nor dey tosh pesin heart. Na di Holy Spirit dey do dis kind work, nor bi di law wey dem rite down and dat pesin go dey receive praiz from God, even doh human being nor praiz am.

Romans 2:7

God go give life wey nor dey end to di pipol wey dey do good, wey wont glory, honor and long life.

1 Korintians 1:7

so una nor go miss any gift wey di Holy Spirit dey give, as una dey wait for di day wen God go bring awa Oga God Jesus Christ kom back.

1 Korintians 11:16

Dis na how dem dey do tins for God church, so nobody go fit follow mi kworel for wetin I dey tok.

1 Korintians 11:26

Jesus mean sey, wen una chop di bread kon drink from di cup, una dey tell odas about Christ deat until e go kom back.

1 Korintians 15:23

But all of us must wait for awa turn. Na Christ God first raiz kom life and Christ go raiz en pipol wen e kom back.

1 Korintians 3:13

make e know sey, God go espose en work, bikos E go test am with fire for Judgement Day. Di fire go test di work wey evribody dey do.

1 Korintians 3:14

God go reward us if di fire nor burn wetin wi build.

1 Korintians 3:8

Di pesin wey plant di seed and di one wey wota am, na di same work dem dey do, but each pesin go get en pay from God akordin to en work.

2 Korintians 10:18

Bikos nor bi who praiz ensef dey rite, but na di pesin wey God like to praiz.

2 Korintians 10:9

I nor wont make una dey fear, bikos of wetin I rite,

2 Korintians 4:2

But wi don stop to dey do wiked tins wey pipol dey hide dey do; wi nor dey do wayo or lie join God word, but with trut wey evribody fit si, wi dey make evribody know for dia mind sey, wetin wi dey do, dey good for God eye.

2 Korintians 5:10

Bikos all of us must stand for Christ front and e go judge us akordin to di tins wey wi do wen wi dey dis eart; weda dem good or bad.

1 Tesalonians 5:2

Bikos una really know sey, di day wen Christ go kom, e go bi like wen tif dey kom for nite.

Hibru 4:13

Nor-tin wey God kreate fit hide from am and evritin dey naked to God, bikos wi go must tell am how wi live awa life.

James 4:11

My brodas and sistas, make una nor tok bad about each oda. Anybody wey tok bad or judge en broda or sista for Christ, e dey tok bad about di law and e dey judge di law. But if una judge di law, den una nor dey obey di law, but una don bikom di law judge bi dat.

James 5:7

My brodas and sistas, make una get patient till Christ go kom back. Tink how farmer dey wait for wetin e plant until e grow kon bring food wey dear and e dey wait with patient for am, until di first and di last rain go fall put.

James 5:9

My brodas and sistas, make una nor dey komplain about each oda, so dat dem nor go judge una, bikos God wey bi di judge, stand near di gate.

1 Pita 1:7

Dis kind sofa go show sey una faith na really one. Gold wey go spoil one day, dem still dey test am for fire, tok-less of una faith wey get value pass gold and e go bring praiz, glory and honor wen Jesus Christ go kom.

1 Pita 5:4

So wen di big shepad, Jesus Christ go kom, e go give una crown wey en glory nor go ever fade.

2 Pita 3:12

Since wi dey wait for di day wey Christ go kom, make wi dey do wetin wi fit do to make Christ kwik kom. Bikos for dat day, evritin wey dey for heaven go burn kon skata and di stars, go melt.

2 Pita 3:4

Dem go sey, “I tink sey Jesus promise sey E go kom back? Awa grand-grand papa dem don die since, but evritin still bi as dem bi since God kreate di world.”

Jude 1:14

Enoch wey bi di nomba seven pesin afta Adam, profesai about dis pipol. E sey, “Listin! God dey kom with en holy pipol wey nobody fit kount and

Revelashon 1:7

(Make una look! E dey kom back inside di kloud and evry eye go si am. Even doz wey shuk am and all di tribes wey dey dis eart, go kry bikos of am. Dis tins go really happen! Amen.)

Revelashon 20:12

And I si di pipol wey don die, both big and small, as dem stand for di throne front. Dem open plenty books and den kon open anoda book wey bi di Life Book. And dem judge doz wey don die akordin to wetin dem rite for di books sey dem do.