1 Korintians 4:10 - Holy Bible Nigerian Pidgin English

¹⁰ Bikos of Christ, pipol dey si us as fools, but God don make us wise. Wi weak and dem hate us, but dem dey respet una wey dey strong.

1 Korintians 4:10 ပူးပေါင်းရင်းမြစ်များ

2 Kings 9:11

Wen Jehu go back go meet di oda ofisas, dem kon ask am, “Yu dey okay? Wetin make dis mad man kon visit yu?” Jehu ansa, “E nor dey important! Una know dis pipol with di way dem dey tok.”

Proverbs 11:12

E too tok bad about odas, but if yu get sense, yu go fit kontrol yor mout.

Isaya 53:3

Pipol rijet am and dem nor like am at-all. E bear sofa and pain well-well. Nobody even sorry am and wi trit am like sey e nor mean anytin.

Hosea 9:7

Di time to ponish Israel don rish; di time wey pipol go get wetin dem deserve. Dat time, Israel pipol go know wen e happen! Una sey, ‘Dis profet na fool. Dis man wey feel sey e know well-well, dey kraze!’ Una hate mi well-well, bikos una sin too many.

Matiu 24:9

“Dem go karry una wey bi my disciples give pipol wey go sofa and kill una. Bikos of mi, pipol for difren town wey nor know God, go hate una.

Matiu 5:11

“God go bless una wey pipol dey curse, dey sofa and lie for una head, bikos of mi,

Luke 10:16

Jesus tell en disciples, “Anybody wey listin to una, don listin to mi and anybody wey rijet una, don rijet mi and God wey send mi.”

Luke 18:9

Jesus kon tell dis parabol to some pipol wey bilive and feel sey, na dem holy pass and nobody good rish dem.

Luke 6:22

Una wey pipol hate, rijet, curse and dey koll bad pipol bikos of Man Pikin, God go bless una

Acts 17:18

So some wise men wey dey learn Epikurean and Stoik kon dey tok with am and some sey, “Wetin dis mumu and toku-toku tink sey e know wey e won tell us?” Some still sey, “E bi like sey e dey prish about some gods from anoda tribe.” (Dem tok so, bikos e dey prish di Good News about Jesus Christ and en resureshon.)

Acts 17:32

Wen di pipol hear sey pipol go raiz from deat, some kon dey laf, but odas sey, “Yu go tell us dis matter again.”

Acts 26:24

As Paul dey defend ensef, Festus kon shaut, “Yu dis Paul, yu don dey kraze o! All di plenty book wey yu know don dey won make yu mad!”

Acts 9:16

True-true I go show am how e go sofa, bikos of my name.”

1 Korintians 1:21

God wise well-well, so E nor let pipol for dis world know am with di wisdom wey dem get. Instead, E save only di pipol wey bilive di foolish message wey wi dey prish.

1 Korintians 1:23

but di true message about Jesus wey dem kill for cross, naim wi dey prish and di message bi like stone wey Jew pipol kick by mistake kon fall, but to Gentile pipol, na yeye tin e bi.

1 Korintians 1:25

Bikos God foolishness wise pass all di sense wey human being get and God weakness strong pass all di pawa wey dem get.

1 Korintians 10:12

So pesin wey tink sey e stand, make e take kare, if not, e go fall.

1 Korintians 2:14

So, na only who get God Spirit fit undastand spiritual blessings. Pesin wey nor get God Spirit, nor go fit undastand wetin di Spirit dey tok.

1 Korintians 2:3

So wen I kom meet una, I dey weak and dey fear.

1 Korintians 3:18

Make una nor let anybody deceive una. If anybody tink sey e get sense for dis life, make e turn to fool, so dat e go really get sense.

1 Korintians 3:2

So I dey feed una with milk like small pikin and as e bi naw, una neva still fit chop strong food,

1 Korintians 4:8

Una don really get evritin wey una nid! Una don get plenty money! Una don turn king with us! How I wish sey una really bi king, so dat wi go dey rule with una.

2 Korintians 10:10

bikos some pipol dey sey, “En letas dey heavy and get pawa well-well, but if yu si am for groun, e nor get pawa and e nor even fit tok well.”

2 Korintians 11:19

Una sey una get sense well-well, yet una dey use happiness asept wetin fool dey tok.

2 Korintians 11:29

If pesin dey weak, misef dey weak too. If dem deceive pesin enter sin, e dey pain mi well-well.

2 Korintians 13:9

Belle dey sweet us wen ever wi dey weak and una dey strong. And na wetin wi dey pray for bi dis, “Una go get evritin wey una suppose get.”

2 Korintians 4:12

Bikos of dis, deat dey work inside us, but life dey work inside una.

2 Korintians 6:8

for di time wey dem honor or disgrace us; for di time wen dem tok bad about us or praiz us; di time wey dem do us like sey wi dey tok lie, but wi dey tok trut.

1 Tesalonians 4:8

So, anybody wey rijet wetin wi tok; nor bi human being authority e rijet, but na God wey give una en Holy Spirit.

1 Pita 4:14

If dem curse una bikos of Christ, God don bless una bi dat, bikos God Spirit wey get glory, rest on-top una life.