1 Korintians 3:18 - Holy Bible Nigerian Pidgin English

¹⁸ Make una nor let anybody deceive una. If anybody tink sey e get sense for dis life, make e turn to fool, so dat e go really get sense.

1 Korintians 3:18 ပူးပေါင်းရင်းမြစ်များ

Proverbs 26:12

Pesin wey foolish well-well, betta pass pesin wey tink sey e wise, but e nor get sense.

Proverbs 3:5

Make yu always dey trust God with all yor heart, but nor trust wetin yu tink sey yu know.

Proverbs 3:7

Nor tink sey yu wise pass di way yu bi, but just obey God and nor do bad tins.

Proverbs 5:7

But my pikin, make yu listin to mi and nor forget wetin I dey tok.

Isaya 44:20

E just bi like sey dem dey chop ashes. Di foolish tins wey dem dey tink don deceive dem and dem nor fit help demsef again or tell demsef sey, ‘Nor bi lie-lie God wi dey serve so?’ ”

Isaya 5:21

Pipol wey tink sey dem wise and get sense, bi like doz wey don die.

Jeremaya 37:9

So mi wey bi God dey warn una naw sey, make una nor deceive unasef sey Babilon sojas nor go kom back kon attack una, bikos dem go really kom back.

Jeremaya 8:8

How una go sey, ‘Wi wise well-well and wi know God law, wen e bi sey, doz wey dey tish di law, don shange wetin e really mean?’

Matiu 13:22

Di seed wey fall for shuku-shuku, na pesin wey hear God word, but wahala, long-trot and to kwik get money for dis world kon shuk di word die for en heart and e nor kon bear fruit.

Matiu 18:4

Anybody wey bring ensef down like dis small pikin, naim big pass for God Kingdom.

Mark 10:15

I tell una true word, anybody wey nor receive God Kingdom like small shidren, nor go ever enter inside.”

Luke 18:17

I tell una true word, anybody wey nor receive God Kingdom like small pikin, nor go enter inside.”

Luke 21:8

Jesus ansa, “Make una shine una eye, so dat nobody go deceive una. Bikos many pipol go kom prish with my name sey, ‘Na mi bi Jesus’ or ‘Di time don near.’ Make una nor follow dem!

Romans 11:25

My friends, I nor won make una dey boast about unasef. So I go tell una wetin happen to Israel pipol. Some among dem sturbon well-well and na so dem go bi until di nomba for Gentile pipol wey God wont, don komplete.

Romans 12:16

Make una try to bi friend with evribody. Make una nor karry body up kon feel sey una wise pass evribody, instead, make una dey make friend with doz wey nor dey important.

1 Korintians 15:33

Make una nor let anybody deceive una, “Bad friends dey spoil good karata.”

1 Korintians 3:17

So If anybody distroy God Temple, God go distroy dat pesin too, bikos God Temple dey holy and na una bi dat temple.

1 Korintians 4:10

Bikos of Christ, pipol dey si us as fools, but God don make us wise. Wi weak and dem hate us, but dem dey respet una wey dey strong.

1 Korintians 6:9

Una nor know sey wiked pipol nor go enter God kingdom? So make una nor fool unasef! Pipol wey dey sleep with who dem nor marry; doz wey dey serve juju; men wey dey sleep with oda men;

Galatians 6:3

Bikos if anybody tink sey, en too big wen e nor bi anytin, e dey deceive ensef.

Galatians 6:7

Make una nor let anybody deceive una. Nobody go fit deceive God. Anytin wey pesin plant, naim e go reap,

Efesians 5:6

Make una nor let anybody deceive una with yeye word, na dis tins make God dey vex for doz wey nor dey obey am.

2 Timoti 3:13

But wiked and evil pipol nor go prosper. Dem go deceive odas and dem go deceive diasef too.

Titus 3:3

Before naw, wi dey bihave like fool; wi nor dey obey; wi dey deceive pipol; wi bi savant to tins wey dey sweet us; wi dey do bad tins and dey jealous odas; pipol hate us and wi hate dem too.

James 1:22

Make una nor dey deceive unasef as una dey hear God word, but make sure sey una dey do wetin en word tok.

James 1:26

If anybody tink sey en dey follow wetin wi dey tish and e nor fit kontrol en mout, dat pesin dey deceive ensef and en relijon nor mean anytin.

1 John 1:8

If wi sey wi nor get sin, wi dey deceive awasef and di trut nor dey inside us.