1 Korintians 3:16 - Holy Bible Nigerian Pidgin English

¹⁶ Una nor know sey una bi God Temple and en Spirit dey inside una?

1 Korintians 3:16 ပူးပေါင်းရင်းမြစ်များ

Ezekiel 36:27

I go give una my spirit kon make sure sey una dey follow my laws and keep all di kommandment wey I give una.

John 14:17

Naim bi di Spirit wey dey tok trut, wey pipol for dis world nor go fit receive, bikos dem nor fit si am or know am, but una know am, bikos e dey stay inside una.

Romans 6:16

Yu nor know sey wetin yu give yor body to, na-im go kontrol yu? If na sin, e go kause deat, but if na God, E go make yu dey live raitious life.

Romans 6:3

Abi una nor know sey all di pipol wey dem baptize inside Christ don die with am?

Romans 8:11

If God Spirit wey raiz Jesus Christ from deat dey inside una, den en wey raiz Christ from deat, go give una body life, bikos of en Spirit wey dey inside una.

Romans 8:9

But una nor dey obey sin, instead, na as di Spirit sey make una live, na so una dey live.

1 Korintians 3:17

So If anybody distroy God Temple, God go distroy dat pesin too, bikos God Temple dey holy and na una bi dat temple.

1 Korintians 3:9

All of us na ko-workers for God and na una bi God farm and en buildings.

1 Korintians 5:6

E nor good make una dey boast! Una nor know sey, small yist wey dem put for bread, na-im dey make di whole bread raiz?

1 Korintians 6:16

Una nor know sey, pesin wey dey sleep anyhow with oda pipol, don bi part for di pipol body?

1 Korintians 6:19

Abi una nor know sey una body na di temple wey di Holy Spirit dey stay? So, nor bi una get unasef.

1 Korintians 6:9

Una nor know sey wiked pipol nor go enter God kingdom? So make una nor fool unasef! Pipol wey dey sleep with who dem nor marry; doz wey dey serve juju; men wey dey sleep with oda men;

1 Korintians 9:13

Una nor know sey doz wey dey work for di temple dey chop food wey pipol bring kon give God for der? Abi una nor know sey pesin wey dey serve for altar na from der e for dey chop?

1 Korintians 9:24

Una nor know sey, wen pipol dey run, na only one pesin go win di race and di prize? So make una run, so dat una go fit win!

2 Korintians 6:16

Wish kind business God Temple and juju get? Bikos wi bi God Temple, just as God sey, “I go stay inside dem and waka among dem, den, I go bi dia God and dem go bi my pipol.”

1 Timoti 3:15

so dat if I nor kwik kom, una go know how pipol suppose bihave for God church, wey bi di true pila and foundashon.

2 Timoti 1:14

Make yu guide di good tins wey God give yu thru di Holy Spirit wey dey inside us.

Hibru 3:6

But as God Pikin, Jesus dey faithful for God house. So wi too go get share for di house if wi bilive and get konfident for awa hope wey dey inside Christ.

James 4:4

Una wey dey do bad tins for dis world, una nor know sey to bi dis world friend, mean sey una bi God enemy? So anybody wey gri sey en and dis world na friend, don make ensef God enemy.

1 Pita 2:5

So unasef too, don bi stone wey dey alive and God dey build una as en spiritual house, so dat una go bi priest wey dey holy and una go offa spiritual sakrifice wey E go asept thru Jesus Christ.

1 John 4:12

Nobody don ever si God before. If wi love each oda, God dey inside us and en love dey pafet inside us.