1 Korintians 3:1 - Holy Bible Nigerian Pidgin English

¹ My brodas and sistas, wen I dey with una before, una dey bihave like pipol for dis world. Na dis make mi nor fit tok to una as pipol wey get God Spirit. Dat time, una faith for Christ bi like small pikin own.

1 Korintians 3:1 ပူးပေါင်းရင်းမြစ်များ

Matiu 16:23

But Jesus turn face Pita kon sey, “Satan, komot for my front! Yu bi stone wey block road, bikos yor mind nor dey for wetin God wont, but na wetin man wont.”

Romans 7:14

Wi know sey di law dey spiritual. But I bi human being and dem don sell mi give sin.

1 Korintians 14:20

My brodas and sistas, make una stop to tink like small shidren. Instead make una dey tink like mature pipol and dey innocent like pikin wey dem just born.

1 Korintians 14:37

If una dey tink of unasef as profet or pesin wey di Spirit dey use, den una go know sey I dey rite only di tins wey God kommand mi.

1 Korintians 2:6

Wi dey tok with wisdom to doz wey really know God word, but nor bi with dis world or any ruler wisdom, bikos dia wisdom nor mean anytin.

Galatians 6:1

My brodas and sistas, if una si pesin dey sin, make una wey dey spiritual, koll am back. But make una wosh unasef, so dat una nor go fall inside temptashon too.

Hibru 5:13

Anybody wey still dey drink milk, bi like small pikin wey nor know good from bad.

1 John 2:12

My shidren, I dey rite give una sey God don forgive una sins, bikos of Jesus name.