1 Korintians 2:4 - Holy Bible Nigerian Pidgin English

⁴ Wen I dey tok and prish to una, I nor try to show sey I get sense, but I dey do evritin with God pawa wey di Holy Spirit dey give,

1 Korintians 2:4 ပူးပေါင်းရင်းမြစ်များ

Proverbs 20:19

Pesin wey dey do aproko nor go fit keep sekret. So make yu run from pesin wey dey tok too mush.

Proverbs 7:21

So e tempt di man with en beauti and di man fall for en sweet tok.

Jeremaya 20:10

I hear as pipol dey gossip mi. Dem dey koll mi, “Di Man Wey Fear One Kill.” Dem dey treaten sey, “If yu tok anytin here, wi go ripot yu.” Even my friends before, dey look and dey wait make I fall. Dem dey sey, “E go fall enter di trap, den wi go know sey wi don revensh am back.”

Ezekiel 13:6

Dia vishon na lie and anytin wey dem tok sey go happen, nor dey happen. Dem dey sey na my message dem dey prish, but I nor send dem and dem dey espect sey wetin dem tok, go happen!

Acts 20:27

Bikos I nor hide anytin from una, as I dey tell una about God plan.

Acts 26:28

Agrippa ask Paul, “So yu tink sey just naw-naw, yu fit turn mi to Christian?”

Romans 15:13

I pray make God wey dey give hope, bless una with joy and peace bikos of una faith. So make di Holy Spirit pawa full una body with faith.

Romans 15:19

Yes! I go tok how Christ take do many mirakles and wonders thru di Holy Spirit pawa. I don prish di Good News from Jerusalem go rish Illyricum.

Romans 16:18

Bikos dis kind pipol nor dey serve awa Oga God Jesus Christ, but na dia belle dem dey kare for. With dia sweet and wayo mout, dem go praiz and deceive pipol wey nor wise.

1 Korintians 1:17

Bikos Christ nor send mi go baptize, but na to prish di gospel and nor bi with ordinary wisdom wey go make di sofa wey Christ sofa for cross, yeye.

1 Korintians 2:1

My brodas and sistas, wen I kom tell una about God word, I nor tok to una with big-big word or try to show sey I get sense.

1 Korintians 2:13

Evry word wey wi dey tok, na God Spirit tish us and nor bi human wisdom. Na dis same Spirit dey help us tish spiritual tins to pipol wey get God Spirit.

1 Korintians 4:20

Bikos God kingdom matter, nor bi about ordinary tok, but na about pawa.

2 Korintians 6:6

Wi dey do all dis tins with awa klean life, di tins wey wi know; di patient wey wi get; di good wey wi dey do for pipol; di Holy Spirit wey wi get; betta love wey wi show pipol;

Galatians 1:10

Una tink sey, I dey try to do tins make pipol for like mi? Abi I dey do wetin God wont? Or I dey try to make belle sweet pipol? If I dey try to make belle sweet pipol, den I nor bi Christ savant again!

Kolossians 2:4

I dey tok all dis tins, so dat nobody go dey deceive una with argument.

1 Tesalonians 1:5

Nor bi only thru ordinary word wi take prish di gospel give una, but na with di Holy Spirit pawa and wi show sey, evritin wey e tok, na true. Una know how wi dey live and help una.

1 Pita 1:12

Dem show sey nor bi demsef dem dey work for, but na for una, bikos una hear dis matter from di apostles thru di Holy Spirit pawa wey kom from heaven. Even angels dey wish sey dem know dis tins.

2 Pita 1:16

Bikos, wi nor use awa brain take tell una lie-lie story about Christ pawa and how E go kom back.

2 Pita 2:18

Dem dey use dia big-big grammar wey nor mean anytin, take deceive pipol wey just dey won komot hand for bad tins.

Judges 14:15

For di fourt day, dem kon tell Samson wife to bi, “Deceive yor husband to bi, so dat e go tell yu di ansa of wetin e tell us; if not, wi go burn yu and yor papa family togeda, bikos e bi like sey yu invite us kom here, so dat wi go dey poor.”

Judges 16:5

All di five rulers for Filistia go meet Delilah kon sey, “Make yu deceive Samson, so dat e go tell yu wetin make am dey strong and how dem fit take stop am. Den yu go find way take tie am with rope well-well. Afta evritin, each of us go give yu 1,000 one hundred silva.”