1 Korintians 2:14 - Holy Bible Nigerian Pidgin English

¹⁴ So, na only who get God Spirit fit undastand spiritual blessings. Pesin wey nor get God Spirit, nor go fit undastand wetin di Spirit dey tok.

1 Korintians 2:14 ပူးပေါင်းရင်းမြစ်များ

Proverbs 14:6

Pipol wey karry body up dey find wisdom, but dem nor go si am, but undastandin dey eazy for pesin wey get sense.

Matiu 16:23

But Jesus turn face Pita kon sey, “Satan, komot for my front! Yu bi stone wey block road, bikos yor mind nor dey for wetin God wont, but na wetin man wont.”

John 10:20

Many of dem kon dey sey, “Demon dey inside am and en head nor korrect. Why una dey listin to am sef?”

John 12:37

Aldo Jesus don do many mirakle for dia front, dem nor still bilive am.

John 14:17

Naim bi di Spirit wey dey tok trut, wey pipol for dis world nor go fit receive, bikos dem nor fit si am or know am, but una know am, bikos e dey stay inside una.

John 14:26

But di pesin wey go help una na di Holy Spirit, wey my Papa go send kom for my name. E go tish una evritin and e go help una remember evritin wey I don tell una.

John 15:26

“But wen di true Spirit wey I go send from my Papa to help una don kom, e go tok about mi.

John 5:44

How una go fit bilive wen una dey praiz each oda and una nor kare for di praiz wey only God fit give.

John 8:43

Na bikos una nor won asept wetin I dey tish, naim make una nor fit undastand wetin I dey tok.

Acts 16:14

E get one woman wey dey listin to us, en name na Lydia and e kom from Tiatira. E dey fear God well-well and dey sell purpol klot. God open en heart to bilive evritin wey Paul tok.

Acts 17:18

So some wise men wey dey learn Epikurean and Stoik kon dey tok with am and some sey, “Wetin dis mumu and toku-toku tink sey e know wey e won tell us?” Some still sey, “E bi like sey e dey prish about some gods from anoda tribe.” (Dem tok so, bikos e dey prish di Good News about Jesus Christ and en resureshon.)

Acts 17:32

Wen di pipol hear sey pipol go raiz from deat, some kon dey laf, but odas sey, “Yu go tell us dis matter again.”

Acts 18:15

but since na matter about word, name and una own law, make una go setol am by unasef. I nor go judge all doz kind tins!”

Acts 25:19

Instead, dem dey argue matter with am, about how dem dey serve God and one man wey dem dey koll Jesus Christ wey don die, wey Paul sey e still dey alive.

1 Korintians 1:18

Di message about Christ deat for cross bi like foolish matter to pipol wey don lost, but for wi wey God don save, di message na God pawa.

1 Korintians 1:21

God wise well-well, so E nor let pipol for dis world know am with di wisdom wey dem get. Instead, E save only di pipol wey bilive di foolish message wey wi dey prish.

1 Korintians 1:23

but di true message about Jesus wey dem kill for cross, naim wi dey prish and di message bi like stone wey Jew pipol kick by mistake kon fall, but to Gentile pipol, na yeye tin e bi.

1 Korintians 1:25

Bikos God foolishness wise pass all di sense wey human being get and God weakness strong pass all di pawa wey dem get.

1 Korintians 15:44

As Fisical body dey, na so too spiritual body dey. And awa Fisical body go shange to spiritual body.

1 Korintians 15:46

Wi si sey di one wey get spiritual body nor first kom. E kom afta di one wey get Fisical body.

1 Korintians 2:12

God give us en Spirit, so wi nor dey tink as dis world pipol dey tink and naim make us know di blessings wey God don give us.

1 Korintians 3:1

My brodas and sistas, wen I dey with una before, una dey bihave like pipol for dis world. Na dis make mi nor fit tok to una as pipol wey get God Spirit. Dat time, una faith for Christ bi like small pikin own.

James 3:15

Dat kind wisdom nor kom from God, but e kom from dis eart wey wiked well-well.

1 John 2:20

But di pesin wey dey holy, don anoint una and all of una know sey na true.

1 John 2:27

As for una, di Holy Spirit wey Christ give una, dey stay inside una, so una nor nid anybody to tish una again. Evritin wey di Holy Spirit dey tish, na true and lie nor dey inside. Just as e don tish una, make una stay inside am.

1 John 5:20

Wi know sey God Pikin don kom and e don give us sense to know di trut about God. And wi dey inside en Pikin Jesus Christ. Na-im bi di real God and na-im bi di life wey nor go end.

Jude 1:19

Dis kind pipol dey divide God pipol; dem like dis world tins and dem nor get God Spirit.